Obentraut estis naskita en la hunsruka urbo Stromberg kiel filo de la princelektista oficisto Johann Bartel von Obentraut. Li aliĝis junaĝe al la militservo. Laŭdire li estis brava kaj timita batalanto. Unue li estis en la servo de Kurpfalz kaj aliĝis komence al lia posta kontraŭulo Tilly, kiu antaŭ la Tridekjara Milito batalis en Hungario kontraŭ la Turkoj. 1620 dum la batalo ĉe la Blanka Monto Obentraut jam estis je la protestanta flanko. En dana servo li venkis ĉe Frankenthal, Haguenau kaj Wiesloch.
Morto en Seelze
Lia lasta venko estis en Nienburg (Weser), kiam li estis generalleŭtenanto de duko Johano Ernesto la 1-a de Sachsen-Weimar. Tiam li malhelpis la okupadon de la urbo fare de la Ligo de la katolikaj princoj sub gvido de Tilly. Post la venko Obentraut volis konkeri la fortikaĵon Calenberg en Schulenburg apud Pattensen. Tio ne okazis ĉar ekestis batalo inter liaj militistoj kaj la armeo de Tilly proksime de Hannover apud Seelze. Kiam Obentraut eksciis tion, li rapidis helpi tiom, laŭlegende, ke li ekrajdis sen kasko kaj kun nur unu boto. Batalante lin trafis kuglo kaj li mortis. Oni rakontis, ke li mortis en ĉeesto de sia antaŭa armila frato Tilly. Tilly laŭdire fermis la okulojn de la mortanto.
[Anonym]: Stromberg am Soonwald feiert seinen großen Sohn vom 6. bis 9. Juni 1975. 400 Jahre Deutscher Michel (Hans Michel Elias von Obentraut), Dietz, Bad Kreuznach 1975
Ernst Boehlich: Johann Michel Elias von Obentraut. Zwischen Geschichte und Legende des "Deutschen Michels", Schlesischer Verlag, Breslau 1926
Ernst Andreas Friedrich: Die Steinpyramide in Seelze, S. 146–148, in: Wenn Steine reden könnten, Band II, Landbuch-Verlag, Hannover 1992, ISBN 3-7842-0479-1.
