Felipe Carrillo Puerto estas unu el la 9 komunumoj de la meksika subŝtato Quintana Roo, kiu situas sur la duoninsulo Jukatano en la centro-orienta parto de Meksiko (ofte oni diras ke temas pri la suda parto de Meksiko, sed laŭ la latidudo, la komunumo situas je preskaŭ sama nivelo kiel la ĉefurbo de Meksiko). La kodnumero de la komunumo laŭ la INEGI, do laŭ la nacia geografia instituto estas 23002.
La ĉefurbo de la komunumo estas Felipe Carrillo Puerto, antaŭe konata sub la nomo Santa Cruz de Bravo aŭ Chan Santa Cruz.
Geografio
La komunumo havis en 2005 (lasta popolnombrado de la INEGI) 65373 loĝantojn. El tiuj estis 33288 viroj kaj 32085 virinoj. La komunumo havas surfacon de 13806 km². La meza alteco (de la ĉefurbo) estas 12 metroj super la marnivelo. La komunumo situas inter la jenaj geografiaj koordinatoj: Latitudo 20° 22' - 19° 03' N kaj Longitudo 87° 26' - 88° 43' U.
Sociogeografio
En la jaro 2000 en la komunumo vivis 51.661 personoj, pli aĝaj ol 5 jaroj. El tiuj 38.771 personoj sciis paroli indiĝenan lingvon. Tio signifas ke 75,1 % de la loĝantaro en la koncerna jaro sciis paroli indiĝenan lingvon. La plej multaj el ili parolas la jukatanan majaan lingvon (memnomigo: Màaya t'àan (Mayathan).
Fontoj: Statistikoj de la INEGI: Conteo de Población y Vivienda 2005 k. a., (hispane: popol- kaj loĝejnombrado).
Eksteraj ligiloj
