Erich Scholz

Erich SCHOLZ (naskiĝinta la 18-an de majo 1911 en Tarnowskie Góry, mortinta la 2-an de oktobro 2000 en Rimbach) estis germana arĥitekto kaj kreanto de multaj kantoj por junuloj, ofte sub la pseŭdonimo Olka.

Vivo

Post trapaso de la abiturienta ekzameno je Katowice li ekstudis en Gdansko geodezion; tion li interrompis por studi arkitekturon inter 1936 kaj 1938 ĉe la Teknika altlernejo en Charlottenburg; tiutempe li transprenis la gvidon de la Grupo Polujo ene de la Ligo de Eksterregnaj Germanoj. Fine de 1938 li diplomiĝis inĝenierece; poste li laboris en arkitekta buroo. La germanan ŝtatanecon li ricevis en 1938, en kiu jaro li membriĝis al SS. En 1941 li libervole iĝis ano de Waffen-SS. De 1942 Scholz kunlaboris ĉe ofica grupo C (aferoj rilataj al konstruado) ene de la SS-ekonomika centro WVHA kaj en la kadro de ĝenerala plano perforte germanigi la eoston de Eŭropo.

Inter septembro 1942 kaj februaro 1945 estis li adjudanto ĉe SS-brigadestro kaj ŝtata konsilisto Schieber en la oficejo pri armil-liverado de la Regna ministerio pri armigo kaj municio. En januaro 1943, dum la stalingrada katastrofo, li mallonge ordoniĝis al frontbatalo. Komence de 1945 Scholz fariĝis komandanto de la konstrubrigado de Ellrich-Juliushütte. Kiam li gvidis en aprilo evakuan marŝon, li estis arestita fare de la Usona Armeo. Restinte ĝis 1948 je Dachau en usona internigejo, li eklaboris ĉe BASF. Tiam li fariĝis membro de Socialdemokratia Partio de Germanio.

Aljuĝon de la Eichendorff-literaturpremio al li malhelpis historiistoj berlinaj atentigataj pri la agoj de Scholz en Nazia Germanio. Kaj antaŭ kaj post la Dua mondmilito li agadis en diversaj grupoj de organizitaj junuloj Bündnische Jugend. Antaŭ 1933 estis li membro de la enpoluja germana movado Jungdeutsche Erneuerungsbewegung in Polen; tiam li eldonis kun aliaj la gazeton "Zelte im Osten" kie tekstoj, kantoj kaj desegnoj de li publikiĝis. Scholz estis gvida membro de Deutsche Jungenschaft en Polujo. Post kiam la samideano Eberhard Koebel aniĝis ĉe KPD, Scholz aliĝis al Deutsche Jungentrucht de Karl Christian Müller. Inter 1933 kaj 1936 Scholz ŝajne gvidis plotonon de Hitlera Junularo. Kiam en 1959 la grupo Jungentrucht renaskiĝis, Scholz tuj membriĝis engaĝiĝante por kunfando de Jungentrucht kun Jungwandervogel kaj Jungenschaft al la ligo Bund deutscher Jungenschaften (BdJ) en 1960.

Famaj kantoj

  • Aber am Abend laden wir uns ein
  • Bruder nun wird es Abend, nimm die ein Glas zum Wein (Triodimali)
  • Die Steppe zittert
  • Meine Sonne will ich fragen
  • Nacht steht Hunger starr in unserm Traum
  • Unter den Toren im Schatten der Stadt
  • Was ließen jene, die vor uns schon waren

Libroj

  • Lieder der Rotte Brabant, Verlag Günther Wolff – Das junge Volk, 1935
  • Legenden, 1935
  • Die silbernen Hufe, 1942
  • Olkas Lieder, Südmarkverlag Fritsch KG, Heidenheim an der Brenz, 1984. ISBN 3-88258-080-1
  • Der Liedertrödler, Südmarkverlag Fritsch KG, Heidenheim an der Brenz 1987 ISBN 3-88258-101-8
  • "Zur Geschichte der bündischen Lieder", ĉe: Zeitschrift der eisbrecher, 1/1988. ISSN 0342-1597, Verlag der Jugendbewegung
  • Aus einem nahen fernen Land. Oberschlesische Narben. Dülmen 1990
  • Erich Scholz kaj Norbert Dolezich: Synek, das Söhnchen, Laumann Druck und Verlag, 1991, ISBN 3899600851
  • Die Unruh: Lebenserinnerungen / Erich Scholz - olka, Verlag Achim Freudenstein, Edermünde 2003

Literaturo

  • jungenschaft RESISTANCE (eld.): Eine Dokumentation der Verhinderung der Verleihung des "Eichendorff-Preises" an Erich Scholz (kun aktaj eltiraĵoj el Berlin Document Center)
  • Joachim Neander: Das Konzentrationslager Mittelbau in der Endphase der nationalsozialistischen Diktatur. Zur Geschichte des letzten im Dritten Reich gegründeten selbstständigen Konzentrationslagers unter besonderer Berücksichtigung seiner Auflösungsphase. Papierflieger, Clausthal-Zellerfeld 1997. ISBN 3-89720-046-5.
  • Joachim Neander: "Die Evakuierung der Lager der SS-Baubrigaden III und IV im April 1945". Ĉe: Firouz Vladi: Der Bau der Helmetalbahn. Ein Bericht von der Eisenbahngeschichte, den KZ-Außenlagern der SS-Baubrigaden, der Zwangsarbeit im Südharz in den Jahren 1944–45 und den Evakuierungsmärschen im April 1945, p. 134–159. Mecke, Duderstadt 2000. ISBN 3-932752-55-4.
  • Bruno Wasser: Himmlers Raumplanung im Osten. Der Generalplan Ost in Polen 1940-1944. Birkhäuser, Basel 1994. ISBN 3-7643-2852-5.
  • Publizistik & Kunst kajero 7/8 (1993). IG-Medien. Veröffentlichung über die Geplante Verleihung des Eichendorff-Literaturpreis 1993 an Scholz
  • "Zum Tod von Olka". Nekrologo en la gazeto Der Eisbrecher, 4/2000
  • "Die andere Saite. Olkas Lieder und das Leben von Erich Scholz". Ĉe: Der Eisbrecher, 3/2006 (eisbrecher-reader "Erich Scholz" Arkivigite je 2007-09-30 per la retarkivo Wayback Machine)
  • Helmut König k.a.: Was ließen jene, die vor uns schon waren? Der jugendbewegte Schriftsteller Erich Scholz-olka. Wochenschau Verlag, Schwalbach/Ts. 2011, ISBN 978-3-89974-702-7.

Eksteraj ligiloj