David's Midnight Magic


David's Midnight Magic

Disvolvo David Snider[1]
Martin Kahn (C64)[2]
Eldoninto Broderbund
Ariolasoft (EŬ)
Atari Corporation (kartoĉo)
Dato de lanĉo 1982: Apple, 8-bita Atari
1983: C64[2]
1987: 8-bita Atari (kartoĉo)
Platformo Apple II, 8-bitaj Atari-komputiloj, Commodore 64
Ĝenro Flipera videoludo
Ludomaniero multludista videoludo
Regilo komputila klavaro
v • d • r

David's Midnight Magic estas flipersimulada videoludo verkita de David Snider por Apple II kaj eldonita de Broderbund en 1982.[1] La ludo estis eldonita en Eŭropo de Ariolasoft. Adapto al 8-bitaj Atari-komputiloj aperis la saman jaron, poste al Commodore 64 en 1983. En 1987, Atari Corporation publikigis kartoĉan version en la stilo de la tiam-nova Atari XEGS.

Ludomaniero

David's Midnight Magic estas proksime modelita laŭ la reala fliperluda tablo Black Knight, eldonita de Williams en 1980.

Recenzo

Ekrankopio de David's Midnight Magic (Apple II-originalo)

Softline deklaris, ke David's Midnight Magic "konfirmas la eksterordinaran kapablecon de Bill Budge kiel programan majstroverkon", ĉar ĝi estis nur egala al la flipera ludo fare de Budge, Raster Blaster, malgraŭ esti publikigita naŭ monatojn poste. La revuo konkludis, ke "la fakto, ke [David] estas dua, tamen ne devas mallumigi la brilon de ĉi tiu klopodo".[3] Computer Gaming World deklaris, ke Midnight Magic estis pli bona ludo ol Raster Blaster, sed lamentis la neceson forigi la skriban protekton de la disko por konservi altajn poentarojn, tiel nuligante la garantion.[4] The Commodore 64 Home Companion nomis la ludon "ekstreme realisma ... kompleta kun ĉiuj trajtoj, kiuj faras fliperojn tiel allogaj".[5]

David's Midnight Magic gajnis la premion de la "Komputila Ludo de la Jaro" okaze de la 4-a jara Arkie Awards, kie juĝistoj priskribis ĝin kiel "programon, kiu estas kaj ekscita videoludo kaj sufiĉe fidela evoko de fliper-mistiko".[6]:32

Heredaĵo

Atari Corporation publikigis en 1986 fliperludon nomatan Midnight Magic por Atari 2600, kiu ludas malsame ol la simile nomita David's Midnight Magic.

Doug Carlston de Broderbund diris en 1983, ke Snider enspezis "ie en la ses-ciferaj nombroj" pro la profitoj el David's Midnight Magic.[7] La frato de Snider, Eric, poste uzis sian antaŭnomon en la titolo de Eric's Ultimate Solitaire.

En 2005, refaro de David's Midnight Magic per Visual Pinball estis kreita kun la titolo David's Midnight Magic 2005, kun tridimensiaj grafikoj.

Referencoj

  1. ↑ 1,0 1,1 The Giant List of Classic Game Programmers.
  2. ↑ 2,0 2,1 David's Midnight Magic ĉe Lemon64
  3. ↑ Tommervik, Al. "David's Midnight Magic", Softline, January 1982, paĝoj 32. Kontrolita 13 July 2014.
  4. ↑ Greenlaw, Stanley (March–April 1982), "Pinball Mania", Computer Gaming World: 35, 38 
  5. ↑ Broderbund Software. The Commodore 64 Home Companion, p. 166–167 (1984). Alirita August 19, 2016 .
  6. ↑ (March 1983) “Arcade Alley: The Best Computer Games”, Video 6 (12), p. 32–33. 
  7. ↑ Barry, David (October 1983). "Profiles: The Carlston Trio". Antic. Retrieved 2021-07-01.

Eksteraj ligiloj