La Cindra galinokrekso (laŭ la latina scienca nomo Gallicrex cinerea nome Cindrogriza galinokrekso) estas mezgranda akvobirdo de la familio de Raledoj kaj ordo de Gruoformaj. Ĝi estas la nura specio en la monotipagenroGallicrex. Ĝi estas amplekse distribuita tra Sudorienta Azio.
Taksonomio
Tiu ralo estis formale priskribita en 1789 fare de la germana natursciencisto Johann Friedrich Gmelin en sia reviziita kaj etendigita eldono de la verko de Carl Linnaeus nome Systema Naturae. Li metis ĝin kun la fulikoj en la genronFulica kaj stampis la duvortan nomonFulica cinerea.[1] Gmelin bazis sian priskribon sur la "crested gallinule" el Ĉinio kiu estis priskribita en 1785 fare de la angla ornitologo John Latham en sia A General Synopsis of Birds.[2] La Cindra galinokrekso estas nun la nura specio en la genro Gallicrex kiu estis proponita en 1852 de Edward Blyth.[3][4] La genronomo kombinas la genron Gallus kun la genro Crex. La specifa epiteto cinerea estas el la Latinacinereus kun la signifo "cindrogriza".[5] La specio estas monotipa: oni agnoskis neniun subspecion.[4]
Plenkreskaj maskloj estas 43 cm longaj kaj pezas 476–650 g.[7] Ili havas ĉefe nigragrizan plumaron (kio nomigas la specion) kun ruĝaj kruroj, beko, plilongigita fronta ŝildo kaj korno. Junaj maskloj estas sablokoloraj, malheliĝante dum ili maturiĝas. Ilia beko estas flava kaj iliaj kruroj estas verdaj. Inaj birdoj estas pli malgrandaj je 36 cm kaj 298–434 g.[7] Ili estas malhelbrunaj supre kaj pli palaj sube. Ilia plumaro estas strieca per pli malhelaj markoj. La beko estas flava kaj la kruroj estas verdaj. La lanugaj idoj estas nigraj, kiel ĉe ĉiuj raloj. La korpo de ĉi tiu ralo estas platigita flanke por permesi pli facilan trairadon tra la kanoj aŭ arbustejoj. Ĝi havas longajn piedfingrojn kaj mallongan voston.
Tiuj raloj estas sufiĉe sekretemaj, sed foje estas viditaj ekstere en la malfermo. Ili estas bruemaj birdoj, precipe ĉe tagiĝo kaj krepusko, uzante laŭtan, glutan vokon.
↑Jobling, James A.. (2010) The Helm Dictionary of Scientific Bird Names. London: Christopher Helm, p. [htt://archive.org/stream/Helm_Dictionary_of_Scientific_Bird_Names_by_James_A._Jobling#e/n170/mode/1u170], [htt://archive.org/stream/Helm_Dictionary_of_Scientific_Bird_Names_by_James_A._Jobling#e/n107/mode/1u107]. ISBN 978-1-4081-2501-4.
↑ (2014) “Deep global evolutionary radiation in birds: Diversification and trait evolution in the cosmopolitan bird family Rallidae”, Molecular Phylogenetics and Evolution81, p. 96–108. doi:10.1016/j.ympev.2014.09.008.
↑ 7,07,1CRC Handbook of Avian Body Masses de John B. Dunning Jr. (Editor). CRC Press (1992), (ISBN 978-0-8493-4258-5).
Jobling, James A. (1992). A Dictionary of Scientific Bird Names. Oxford University Press. ISBN 0-19-854634-3.
Raffaele, Herbert A; Wiley, James; Garrido, Orlando H; Keith, Allan R; Raffaele, Janis I (2003). Field Guide to the Birds of the West Indies. Christopher Helm. ISBN 0-7136-5419-8.
Taylor, Barry; van Perlo, Ber (2000). Rails. Pica / Christopher Helm. ISBN 1-873403-59-3.
.jpg)
