Braunlage [braŭnla:ge] estas komunumo en Germanio. Ĝi troviĝas en la distrikto Goslar de la federacia landoMalsupra Saksio. La 1-an de novembro 2011 ĝia teritorio ampleksiĝis per la eksa sendependa urbo Sankt Andreasberg, kiu inter esperantistoj ricevis certan renomon pro la tiea seminariejo Haus Sonnenberg, en kiu plurfoje okazis la Esperanto-renkontiĝo Printempa Semajno Internacia, kaj Germana Esperanto-Asocio formulis tie siaj gvidliniojn pri eŭropa lingvopolitiko. En sporta historio ĝi konatas pro tio, ke en la vintrosporta urbeto en 1888 inventiĝis la sporto bobado, kaj nun estas tie unu el la tutmonde malmultaj internaciaj bobaj vojoj. Fine de decembro 2022 la urbo havis 5585 loĝantojn.
