Boo Mee KIM-LINDBLOM (naskiĝis en 1941, mortis la 10-an de novembro 2003) estis korea-sveda esperantistino. Ŝi estis kasistino de ILEI depost 1999.
La korea instruistino en 1964 ekhavis kontakton kun Esperanto kaj kunfondis asocion en Seulo; dum 1967-1972 ŝi estis sekretariino de Korea Esperanto-Instituto. Veninte al Svedio, ŝi edziniĝis al Roland Lindblom. Ŝi organizis interŝanĝojn kun infanaj grupoj, administris, ekzamenis, kunlaboris por la gotenburga UK en 2003 kaj estis estraranino de la stokholma origamia asocio (laŭ Ulla Luin).
