Bernard Brunhes (1867–1910) estis franca geofizikisto famkonata pro sia pionira laboro pri paleomagnetismo, aparte lia eltrovo (en 1906) pri geomagneta inversiĝo. La Brunhes-Matuyama inversiĝo estas nomita laŭ li.
Vivo
Brunhes studis en École Normale Supérieure en Parizo, kie li diplomiĝis en fiziko. Novembre 1900 li estis nomumita kiel estro de la observatorio sur Puy-de-Dôme, kiu situas sur malaperinta vulkano en la Auvergne-regiono de Francio, kie li laboris ĝis sia morto en 1910.
Sciencaj atingoj
Estis dum lia tempo ĉe la observatorio kiam li faris la kernan observon, kiu gvidis al lia eltrovo de geomagneta inversiĝo. En 1905 li trovis, ke rokoj en antikva lafo ĉe Pontfarin en la komunumo de Cézens (departemento Cantal) estis magnetita en direkto preskaŭ kontraŭa al tiu de la hodiaŭa orientiĝo de la tera magneta kampo. El ĉi tio li deduktis, ke la magneta norda poluso en tiama tempo estis egale al la nuna geografia Suda Poluso, kio nur povus okazi se la magneta kampo de la tero estis inversigita iam en la pasinteco. Li pravis, kvankam daŭris pliajn 50 jarojn ĝis lia teorio estis plene akceptita de la scienca komunumo.
Eksteraj ligiloj
.jpg)
