La komunumo Böbikon situas proksimume 3 kilometrojn sude de Rejno en fermita valkaldrono meze en la Tavola Ĵuraso. De oriento al okcidento tra la komunumo fluas la rivereto Chrützlibach, kiu en okcidento de la komunumo alfluas la profunda ravino. Al la komunumo apartenas krom la ĉefvilaĝo mem ankaŭ la tri setlejoj Güggehü, Hasli kaj Rütihof.
La teritorio de la komunumo etendiĝas sur areo de 2,60 km², de kiuj 0,99 km² estas kovritaj de arbaro kaj 0,19 km² de konstruaĵoj. La plej alta punkto de la komunumo situas sur alteco de 580 m s.m. sur la altebenaĵo Haslihau, dum la plej malalta punkto troviĝas sur alteco de 400 m s.m. en la fundo de la ravino de Chrüzlibach.
Böbikon situas komplete flanke de la ĉefaj trafikvojoj. Al la publika transportreto la komunumo estas konektita per busliko tra Baldingen al la distriktĉefloko Bad Zurzach.
Historio
Preghejeto de Böbikon
La unua dokumenta mencio de Böbikon datiĝas el la jaro 1113 kiel Bebikon.
En mezepoko en Böbikon regis la Habsburgoj. De proksimume 1100 ĝis la jaro 1250 en Böbikon ekzistis malgranda kastelo, kiun loĝis habsburgaj vasaloj.
Kiam en la jaro 1798 okaze de la Helveta Revolucio francaj trupoj liberigis Argovion, la komunumo dum kvin jaroj apartenis al la tiama Kantono Baden. Per la mediacia akto en la jaro 1803 la Kantono Baden estis dissolvita kaj integrita al la nova Kantono Argovio. Böbikon fariĝis komunumo de la argovia distrikto Zurzach.
