Atari Video Cube estas puzla videoludo evoluigita de General Computer Corporation por Atari 2600 kaj publikigita de Atari en 1982.[1] Atari Video Cube estis vendata ekskluzive tra la Atari-Klubo, administrata de Atari mem.[2] Origine ĝi estis senlicenca interpreto de la Kubo de Rubik, sed Atari reeldonis la ludon en 1984 kiel Rubik's Cube.[3][4][5]
Ludomaniero
La ludanto estas "Hubie la Kub-Majstro". Li provas solvi miksitan "video-kubon". La metodo de Hubie por solvi la kubon estas levi la kolorajn segmentojn unu post la alia kaj meti ilin en iliajn ĝustajn lokojn. Tamen, levi kvadraton limigas la movojn de Hubie : li ne povas moviĝi al kvadrato kiu kongruas kun la koloro de tiu, kiun li portas.
La luda manlibro instigas ludantojn trovi solvon kun kiel eble plej malmultaj movoj. La tuta nombro da movoj estas afiŝita ĉe la fundo de la ekrano.[6] Atari Video Cube havas plurajn ludmodusojn, kiuj ŝanĝas la malfacilecon de la ludo, kiel ekzemple la nombro de kvadratoj kaj koloroj.
Referencoj
Eksteraj ligiloj