En Francio, la Apelacia Kortumo (france "cour d'appel") de la privatjuĝa ordo estas tribunalo, kiu decidas, laŭprincipe, pri ĉiuj apelacioj faritaj kontraŭ la justicaj decidoj de plej multaj tribunaloj, kiuj estas hierarkie sub ĝi, alinomitaj « de la 1-a rango » (same civilaj kiel punaj) en ĝia kampo.
Ĝi juĝas ankaŭ la apelacioj faritaj kontraŭ la decidoj de la enketaj juĝistoj. Tiukaze, la Apelacia Kortumo kunsidas laŭ strukturo nomita enketa ĉambro.
En la ĉeflando, ĉiu kortumo kompetentas sur pluraj departementoj aŭ teritorioj (du ĝis kvar, ĝenerale).
Ili ofte situas en la samaj urboj kiel la malnovaj Parlamentoj, tribunaloj de la Malnova Reĝimo.
Historio
Tiuj tribunaloj estis kreitaj kun la nomo tribunal d'appel (esperante "apelacia tribunalo") per la leĝo de la 27-a de ventozo jaro 8-a (la 18-an de marto 1800), kiu ĉesigis la sistemon de « appel circulaire », kiu estis starigita en 1790[1].
Organizado
Ĉiu Apelacia Kortumo estas prezidata de ĉefprezidanto, kiu estas ankaŭ nomita « kortumestro ». La aliaj sidaj magistratoj aŭ juĝistoj estas la ĉambraj prezidantoj kaj la konsilantoj, nomoj, kiuj memorigas pri la parlamentoj de la Malnova Reĝimo[2]. Povas esti nomumitaj al Apelacia Kortumo ankaŭ vicprezidantoj kaj juĝistoj ĉe la ĉefprezidanto kaj kiu povas ofici aŭ en la Apelacia Kortumo aŭ en iun ajn tribunalo sur ĝia kampo.
