Historie, la komunumo - kiu origine estis komunumaro de pluraj sendependaj loĝlokoj - apartenis al la lando Hanovro. Post la Dua Mondmilito, ĝi tamen kontraste al ĉiuj aliaj komunumoj de la lando ne iĝis parto de la nova federacia lando Malsupra Saksio kaj do de okcidenta Germanio, sed estis donita al la sovetunie okupita zono de Germanio kaj sekve iĝis parto de la socialisma ŝtato GDR. Post la reunuiĝo de la du germanaj ŝtatoj la 3-an de oktobro1990, la komunumo unue kun la aliaj komunumoj de la pleja nordo de GDR iĝis parto de la federacia lando Meklenburgo-Antaŭpomerio, sed la 1-an de julio1993 tamen oficiale estis "redonita" al Hanovro kaj de tiam fine tamen apartenas al la federacia lando Malsupra Saksio. Tiu interkonsento estas la ĝis nun unua ŝanĝo de limoj inter germanaj federaciaj landoj post la reunuiĝo de la ŝtato, kiu kaŭzis - kvankam eta ŝanĝo - multajn naciajn mapojn esti redesegnitaj.
