ActionAid estas internacia ne-registara organizaĵo kies asertita unuaranga celo estas labori kontraŭ malriĉeco kaj maljusteco tutmonde.[1]
ActionAid estas federacio de 45 oficejoj de diversaj landoj kiuj laboras kun komunumoj, ofte pere de lokaj partneraj organizaĵoj, pri aferoj por disvolvigoj. Ĝi estis fondita en 1972 fare de Cecil Jackson-Cole kiel bonfara organizo profite al helpo al infanoj (origine nomata "Action in Distress") kiam 88 britaj subtenantoj patronis 88 infanojn en Barato kaj Kenjo, kun unuaranga fokuso por havigi al infanoj edukadon, kaj krome disponigi al ĉiuj aliron al homaj rajtoj, per asisto al tiuj kiuj suferas malriĉon, kiuj frontas diskriminacion,[2] kaj ankaŭ al tiuj kiuj suferas pro maljusteco.[3] ActionAid laboras kun ĉirkaŭ 15 milionoj da personoj en 45 diversaj landoj por helpi tiujn personojn.[3]
Aktuale ties sidejo estas en Johanesburgo, Sudafriko kun aliaj oficejoj en Azio, Ameriko kaj Eŭropo. ActionAid estis la unua granda internacia ne-registara organizaĵo kiu translokigis sian sidejon el la tutmonda nordo al la tutmonda sudo.[4][5] La nuntempa strategio de ActionAid celas "konstrui internacian scenejon por socia, ekonomia kaj media justeco, faritan de homoj loĝantaj en malriĉo kaj ekskludo".[6]
Referencoj
Eksteraj ligiloj
