Vanessa Claire Smith, Sterling Wolfe, Michael Holmes, kaj Ricky Coates en la adapto de Brad Mays kiel multrimeda teatraĵo de A Clockwork Orange, 2003, Los Angeles. (foto: Peter Zuehlke).Vanessa Claire Smith en la adapto de Brad Mays kiel multrimeda teatraĵo de A Clockwork Orange, 2003, Los Angeles. (foto: Peter Zuehlke, la traktado).
Priskribo
La agado okazas en preskaŭ-estonta socio kiu havas apartan junularan subkulturon de ekstrema violento kaj perfortemo. La juna protagonisto, Alex, rakontas siajn violentajn fiagojn kaj siajn spertojn kun la klopodoj de ŝtataj aŭtoritatoj por reformi lin.[1] La libro estas parte verkita en rus-influita ĵargono nomita "Nadsato", kiu ricevas sian nomon el rusa sufikso por dekiomjarulo.[2] Laŭ Burgess, la verko estis jeu d'esprit (spritaĵo) verkita en ĝuste tri semajnoj.[3]
En 2005, A Clockwork Orange estis inkludita en la listo de la 100 plej bonkvalitaj angla-lingvaj romanoj verkitaj ekde 1923 de la gazeto Time,[4] kaj estis nomita de Modern Library kaj ties legantoj kiel unu el la 100 plej bonkvalitaj angla-lingvaj romanoj de la 20-a jarcento.[5] La originala manuskripto de la libro estis konservata en la William Ready Division of Archives and Research Collections de la Universitato McMaster en Hamiltono (Ontario), Kanado, ekde kiam la institucio aĉetis la dokumentojn en 1971.[6] Ĝi estas konsiderata unu el la plej influaj distopiaj libroj partikulare per la kinadapto al samnoma filmo de Stanley Kubrick.
