Gwyfyn mawr iawn sy'n perthyn i urdd y Lepidoptera yw ôl-adain goch, sy'n enw benywaidd; yr enw lluosog ydy ôl-adenydd coch (-ion); yr enw Saesneg yw Red Underwing, a'r enw gwyddonol yw Catocala nupta.[1] Mae i'w ganfod drwy Ewrop.
Wedi'i fframioDarlun o lyfr John Curtis: British Entomology Volume 5
Caiff ei ddenu gan olau a siwgwr ac mae ei guddliw yn anghyffredin iawn. Pan mae'r gwyfyn hwn yn cael seibiant, ni ellir gweld ei ôl adenydd. Fel llawer o wyfynod, ei fwytawr pennaf ydy adar.
Mae lled ei adenydd, ar eu heithaf, yn 80 mm, sy'n eitha mawr.
Gellir dosbarthu'r pryfaid (neu'r Insecta) sy'n perthyn i'r Urdd a elwir yn Lepidoptera yn ddwy ran: y gloynnod byw a'r gwyfynod. Mae'r dosbarthiad hwn yn cynnyws mwy na 180,000 o rywogaethau mewn tua 128 o deuluoedd.
Wedi deor o'i ŵy mae'r ôl-adain goch yn lindysyn sy'n bwyta llawer o ddail, ac wedyn mae'n troi i fod yn chwiler. Daw allan o'r chwiler ar ôl rhai wythnosau. Mae pedwar cyfnod yng nghylchred bywyd glöynnod byw a gwyfynod: ŵy, lindysyn, chwiler ac oedolyn.
