Lagonda (Aston Martin)

Lagonda
Enghraifft o:auto racing team, cynhyrchydd cerbydau, cwmni cyhoeddus, car brand Edit this on Wikidata
Dechrau/Sefydlu1901 Edit this on Wikidata
PerchennogAston Martin Edit this on Wikidata
SylfaenyddWilbur Gunn Edit this on Wikidata
Rhiant sefydliadAston Martin Edit this on Wikidata
Ffurf gyfreithiolcwmni cyfyngedig a gyfyngwyd gan gyfranddaliadau Edit this on Wikidata
PencadlysStaines-upon-Thames Edit this on Wikidata
Gwefanhttps://www.astonmartinlagonda.com/ Edit this on Wikidata
Tudalen Comin Ffeiliau perthnasol ar Gomin Wicimedia
Fersiwn 2018 o'r Lagonda; car tryan, moethus

Math o gar trydan moethus a gaiff ei gynhyrchu yn 2021 gan Aston Martin yw'r Lagonda. Mae'r enw 'Lagonda' yn mynd nôl i 1909 (neu o bosib 1906) pan gychwynodd y canwr opera Wilbur Gunn gwmni ceir. Enwodd Gunn ei gwmni ar ôl afon a lifai drwy'r ardal lle'i maged yn Springfield, Ohio. Prynnwyd y cwmni gan Aston Martin yn 1947 ac ers hynny, rhyddhawyd sawl car o dan yr enw yma: yn 1995 hyd at 2008 a rhwng 2010 a 2013.[1][2]

Y car diweddaraf

Vision concept yw'r car ar hyn o bryd (2018), hy car sydd wedi'i gynllunio ac sydd ar y gweill. Mae'r cynllun yn un sy'n cystadlu gyda chwmni Tesla, a does dim rhyfedd i sefydlydd Tesla, Elon Musk alw Aston Martin yn "a 110 year old start-up". Dywedir y bydd y car yn medru teithio am 400 milltir cyn fod yn rhaid gwefru'r batris, a'u gwefru yn ddi-wifr hyn heb weiren. Cynlluniwyd y tu mewn i'r car gan David Armstrong-Jones, mab y ffotograffydd Antony Armstrong-Jones.

Y ceir cynnar

Yn 1907 lansiodd Wilbur Gunn ei gar cyntaf, y Torpedo, gyda nerth 20 marchnerth a 6-silindr, a ddefnyddiodd i ennill ras 'Moscow-Sant Petersburg' yn 1910. Yn dilyn y llwyddiant hwn cafwyd llawer o archebion o Rwsia - hyd at y Rhyfel Byd Cyntaf yn 1914.[3][4]

  • Lagonda 16/65, 1927
    Lagonda 16/65, 1927
  • Lagonda 16 80, 1930au
    Lagonda 16 80, 1930au
  • Lagonda M45 T9 Rapide. 1934
    Lagonda M45 T9 Rapide. 1934
  • Lagonda V12 Drophead Coupé, 1940
    Lagonda V12 Drophead Coupé, 1940

Fodd bynnag, aeth yr hwch drwy'r siop yn 1935 a phrynnwyd y cwmni gan Alan P. Good. Efallai mai uchafbwynt y cyfnod a ddilynodd yr ailbrynnu hwn oedd yn 1937 pan lansiwyd car 4480 cc gyda marchnerth o 180 bhp (130 kW) a allai gyflymu o 7 i 105 mya (11 i 169 km/h) yn y ger uchaf gan refio i 5000 rpm. Fe'i arddangoswyd yn Sioe Geir Efrog Newydd yn 1939 a gwerhwyd ef am $8,900 - y car drytaf ledled y byd, yn ei gyfnod.

Aston Martin

Ym 1947 cafodd Lagonda ac Aston Martin eu prynnu gan David Brown (cwmni o Loegr a oedd yn arbenigo mewn tractors, cychod y rhannau o beiriannau) ac unwyd staff Lagonda gydag Aston Martin yn eu ffatri yn Feltham, Middlesex.

  • Lagonda 2.6, 1953
    Lagonda 2.6, 1953
  • Lagonda Rapide, 1964
    Lagonda Rapide, 1964
  • Aston Martin Lagonda Sports Sedan, 1989
    Aston Martin Lagonda Sports Sedan, 1989

Yr atgyfodiad

Ceisiwyd atgyfodi'r marque (y brand) sawl tro gan gynnwys:

  • Yn Sioe Modur Genefa 2009, dadorchuddiodd Aston Martin 4VD, SUV 4-sedd i goffáu 100 mlynedd ers car cyntaf Lagonda. Roedd gan y car beiriant V12 ac olwynion 22 modfedd.[5]
  • Bedyddiwyd un model o wneuthuriad Aston Martin gyda'r hen enw Rapide yn 2010, sef yr Aston Martin Rapide.
  • Yn 2014, cyhoeddodd Aston Martin y bydden nhw'n cynhyrchu nifer cyfyngedig o 200 salwn o'r enw'r Taraf am tua £1 miliwn yr uned, wedi'i bweru gan Tyrbo Dwbwl V12 a allai gynhyrchu 540 HP a 465 lb-tr o drorym (torque).
  • Yn 2018 cyhoeddwyd y bydden nhw'n cynhyrchu car trydan (gweler uchod).

Modelau

Blwyddyn Math Injan Cynhyrchwyd
1906–13 20 3052 cc
1911–13 30 4578 cc
1913–21 11 1099 cc 6000 [6]
1920–23 11.9 1421 cc 6000 (
1923–26 12 and 12/24 1421 cc 6000
1925–33 14/60 1954 cc 1440[6]
1926–30 16/65 2389 250[6]
1928–34 3-litre 2931 cc 570[6]
1932–34 Lagonda 16/80 1991 cc 260[7]
1933–38 Rapier 1087 cc 470 + 45 gan Rapier Cars[8]
1935 M45 4467 cc 410 + 53 M45R Rapide[8]
1935 3.5-litre 3619 cc 65[8]
1936–37 LG45 4467 cc 278 + 25 Rapides[8]
1938–40 Lagonda LG6 4467 cc 85[8]
1938–40 Lagonda V12 4480 cc 189[8]
1948–53 2.6-Litre 2580 cc 510[9]
1953–58 Lagonda 3-Litr 2922 cc 270[9]
1961–64 Rapide 3995 cc 55[9]
1976–89 Aston Martin Lagonda 5340 cc ohc V8 645
2014– Taraf 5935 cc V12 200[10]

Cyfeiriadau

  1. ↑ G.N. Georgano, N. (2000). Beaulieu Encyclopedia of the Automobile. HMSO. ISBN 1-57958-293-1.
  2. ↑ "Nachtschicht im Schloss: A report on a concours d'elegance at Schloss Bensberg". Auto Motor u. Sport Heft 25 2010: 45. 18 Tachwedd 2010.
  3. ↑ "My kind of car: Lagonda 16/80 1932". Drive (Magazine of the British Automobile Association) 115: 66. February 1985.
  4. ↑ "British Tradition from an American". The World of Automobiles. 10. Columbia House. 1974. t. 1129.
  5. ↑ Lavrinc, Damon (4 Mawrth 2009). "Geneva 2009: Aston Martin revives Lagonda to questionable effect". Autoblog.com. Cyrchwyd 2010-12-25.
  6. ↑ 6.0 6.1 6.2 6.3 Baldwin, N. (1994). A-Z of Cars of the 1920s. Bay View Books. ISBN 1-870979-53-2.
  7. ↑ G.N. Georgano, G. N. (1968). The Complete Encyclopaedia of Motor Cars. George Rainbird Limited.
  8. ↑ 8.0 8.1 8.2 8.3 8.4 8.5 Sedgwick, M. (1989). A-Z of Cars of the 1930s. Devon, UK: Bay View Books. ISBN 1-870979-38-9.
  9. ↑ 9.0 9.1 9.2 Sedgwick, M. (1986). A-Z of Cars 1945–1970. Bay View Books. ISBN 1-870979-39-7.
  10. ↑ [1]