Un o gymunedau ymreolaethol Sbaen yw La Rioja. Mae'n un o'r lleiaf o'r cymunedau ymreolaethol. Y brifddinas yw Logroño, ac mae dinasoedd a threfi pwysig eraill yn cynnwys Calahorra, Arnedo, Alfaro, Haro, Santo Domingo de la Calzada a Nájera.
O tua 970 hyd tua 1005 roedd La Rioja yn ffurfio Teyrnas Viguera, yna daeth yn rhan o Deyrnas Pamplona. Bu llawer o ymladd yn yr ardal yma cyn i La Rioja ddod yn rhan o deyrnas Castillia yn derfynol yn 1179. Crewyd y dalaith dan yr enw Logroño yn 1822, a newidiwyd ei henw i La Rioja yn 1980. Daeth yn gymuned ymreolaethol yn 1982.
Mae'n ffinio ar Euskadi, Navarra, Aragón and Castillia-Leon. Mae Afon Ebro yn llifo trwy'r dalaith. Amaethyddol yw'r dalaith yn bennaf, ac mae'n arbennig o enwog am ei gwin, Rioja.
