Dyneiddiwr, bardd a dramodydd Eidalaidd oedd Giovanni di Bernardo Rucellai (20 Hydref 1475 – 13 Ebrill 1525). Ganed ef i deulu o uchelwyr cyfoethog yng Ngweriniaeth Fflorens, yn fab i Bernardo Rucellai a'i wraig Nannina, chwaer Lorenzo de' Medici. Gwasanaethodd y pabau Leo X a Clement VII, a fe'i penodwyd yn gastellydd Castel Sant'Angelo yn Rhufain, ac yno y bu farw yn Rhufain yn 49 oed. Rhoddwyd iddo'r enw "Il castellano" gan ei gyfaill Gian Giorgio Trissino.[1]
Ysgrifennodd ddwy drasiedi, yn arddull y Groegwr Ewripides, Rosamunda (1515) ac Oreste (1525), ac hefyd cerdd ddidactig am wenyn, Le Api (cyhoeddwyd wedi ei farwolaeth ym 1539), ar sail pedwerydd llyfr y Georgicon gan y Rhufeiniwr Fyrsil.
Cyfeiriadau
