Eglwys gadeiriol Gatholig yn ninas Rouen, Normandi, yw Eglwys Gadeiriol Rouen (Ffrangeg: Cathédrale Notre-Dame de Rouen). Mae'n eglwys arddull Gothig wedi'i chysegru i'r Santes Fair; cychwynnwyd ei hadeiladu yn 1202.
Hanes
Saif yr eglwys gadeiriol hon ar safle eglwys gynharach a sefydlwyd ar ddiwedd y 4g OC. Ymwelodd yr Ymherodr Siarlymaen a'r eglwys yn 769. Dinistriwyd yr eglwys honno gan y Llychlynwyr yn y 9g. Dechreuwyd y gwaith ar yr eglwys bresennol yn 1202 ond ni chafodd ei chwblhau'n derfynol tan 1880 pan ychwanegwyd tŵr bach ar ben y prif dŵr i'w wneud yr uchaf yn y byd am gyfnod byr. Dioddefodd rhannau o'r adeilad pan fomiwyd Rouen yn Ebrill 1944 yn ystod yr Ail Ryfel Byd.
Llenyddiaeth a chelf
Cafodd y llenor Gustave Flaubert, a oedd yn frodor o Rouen, ei ysbrydoli gan y ffenestri gwydr lliw o Sant Julian a'r bas-relief o Salome, ac mae dwy o'r tair stori yn ei Trois contes yn seiliedig arnyn nhw. Ysgrifennodd Joris-Karl Huysmans La Cathédrale am yr eglwys gadeiriol, nofel wedi'i seilio ar astudiaeth fanwl o'r adeilad.
Dolenni allanol
