Enillodd Duncan Laurence o'r Iseldiroedd y gystadleuaeth gyda'r gân "Arcade".[1] Canwyd y gân yn Saesneg.[2] Ysgrifennwyd y gân gan Laurence, Joel Sjöö, Wouter Hardy a Will Knox.
Er gwaethaf ei enw Seisnig, mae Laurence yn Iseldirwr a aned yn Spijkenisse, a'i fagu yn Hellevoetsluis. Dechreuodd ei yrfa roc yn y Rock Academy yn Tilburg, gan chwarae i sawl band ysgol,[3] gan gynnwys un ei hun, The Slick and Suited yn 2013. Aeth y band yma ymlaen i berfformio yn yr Eurosonic Noorderslag.[4][5] Mae Laurence yn ddeurywiol.[6]
Manion
Cymerodd 41 gwlad ran yn y gystadleuaeth ond bu Bwlgaria a Iwcrain yn absennol. Tynnodd Bwlgaria eu ymgais yn ôl gan fod aelodau o'r grwp yn gweithio ar brosiectau eraill, tra bod Iwcrain wedi bwriadu cystadlu ond wedi tynnu nôl oherwydd anghydfod dros y ffeinal cenedlaethol.
Yn 2019 gwelwyd gweriniaeth Macedonia yn perfformio am y tro cyntaf o dan ei henw swyddogol newydd, "Gogledd Macedonia". Daeth hyn wedi dros dau ddegawd o anghytuno gyda Gwlad Groeg oedd yn gwrthwynebu i'r cyn-weriniaeth yn Iwgoslafia alw ei hun yn "Macedonia" gan fod hynny, yn ôl y Groegwyr, yn awgrymu perchnogaeth dros dalaith Macedonia yng Nghroeg a hefyd lladrata hunaniaeth Roegaidd yr enw.
↑Duncan de Moor (2014-06-15). "The Slick and Suited". Archifwyd o'r gwreiddiol ar 2014-06-15. Cyrchwyd 2019-01-21. Unknown parameter |dead-url= ignored (help)
.jpg)