Gwrthdaro milwrol ac argyfwng rhyngwladol oedd Argyfwng Suez. Penderfynodd y Deyrnas Unedig, Ffrainc, ac Israel i oresgynu'r Aifft yn sgil gwladoliCamlas Suez gan yr Arlywydd Gamal Abdel Nasser. Cafodd yr ymosodiad ei wrthwynebu gan y Cenhedloedd Unedig, yr Unol Daleithiau, a'r Undeb Sofietaidd, ac o ganlyniad enciliodd y tri ymosodwr o'r Aifft. Ystyrir y digwyddiad yn aml yn arwydd o ddarostyngiad y Prydeinwyr a'r Ffrancod wrth iddynt golli grym a dylanwad ar y llwyfan ryngwladol i'r Americanwyr.
