Горад Сен-Трапэ фр.: Saint-Tropez, акс.: Sant Tropetz Герб Сцяг Краіна  Францыя Рэгіён Праванс — Альпы — Лазурны Бераг Дэпартамент Вар Каардынаты 43°16′25″ пн. ш. 6°38′23″ у. д.HGЯO Мэр Жан-Мішэль Куў (Jean-Michel Couve) Заснаваны II стагоддзе да н.э. Плошча 11,18 км²[1] Вышыня цэнтра 7 м[2], 0 м[3] і 115 м[3] Тып клімату міжземнаморскі Афіцыйная мова французская Насельніцтва 5635 чалавек (2005) Канфесійны склад каталікі Часавы пояс UTC+1, летам UTC+2 Паштовы індэкс 83990 Афіцыйны сайт saint-tropez.fr (фр.) Сен-Трапэ на карце Францыі

Медыяфайлы на Вікісховішчы

Сен-Трапэ (фр.: Saint-Tropez, акс.: Sant Tropetz, таксама сустракаюцца варыянты Сан-Трапэ, Сан-Трапез) — горад на поўдні Францыі на Лазурным Беразе, адно з самых прэстыжных месцаў адпачынку. Насельніцтва складае 5635 жыхароў (2005).

Першае паселішча на месцы сучаснага Сен-Трапэ было заснавана яшчэ ў II стагоддзі да н.э.. Сваю сучасную назву горад атрымаў у гонар святога Трафіма, які быў абезгалоўлены ў 60-я гады ў часы Нерона пры ганеннях на хрысціян у раёне сучаснай Пізы. Паводле падання яго цела было пакладзена ў старую лодку разам з пеўнем і сабакам, якую прыбіла да берага на месцы сучаснага горада^[4][5].

У 1637 годзе ў жыхарамі Сен-Трапэ была адбітая атака 22 іспанскіх галеонаў. Да гэтага часу ў гонар гэтага ў горадзе праводзіцца традыцыйнае шэсце^[6].

Да Першай сусветнай вайны Сен-Трапэ быў адным з галоўных портаў Францыі на Міжземным моры. У 1920-я — 1930-я гады менавіта тут Поль Сіньяк вынайшаў тэхніку пуантылізму.

Аднак, да 1950-х горад быў мала вядомы шырокай публіцы. Новую папулярнасць, асабліва сярод заможных людзей, ён атрымаў у 1956 годзе, калі ў Сен-Трапэ здымаўся вядомы фільм «І Бог стварыў жанчыну» з Брыжыт Бардо ў галоўнай ролі^[7]. Пазней папулярнасць гораду дадала серыя кінакамедый пра «Жандарма з Сен-Трапэ» з Луі дэ Фюнесам у галоўнай ролі.

• На Вікісховішчы ёсць медыяфайлы па тэме Сен-Трапэ
• Афіцыйны сайт (фр.)