Плімуцкі ўніверсітэт Святога Марка і Святога Яна
англ.: Plymouth University of St Mark and St John
Арыгінальная назва	англ.: Plymouth University of St Mark and St John
Заснаваны	1840
Год рэарганізацыі	2012
Краіна	Вялікабрытанія[1]
Размяшчэнне	Плімут, Англія
Сайт	marjon.ac.uk
Медыяфайлы на Вікісховішчы

Плімуцкі ўніверсітэт Святога Марка і Святога Яна (англ.: Plymouth University of St Mark and St John) — брытанская вышэйшая навучальная ўстанова са статусам універсітэта з сядзібай у горадзе Плімут.

У дачыненні да вучэльні нярэдка, нават на афіцыйным узроўні, выкарытоўваецца назва Плімуцкі ўніверсітэт Марджон (англ.: Plymouth Marjon University), якая з'яўляецца ўсячэннем поўнай назвы да першых літар імёнаў святых апосталаў і евангелістаў Марка і Яна (у англійскай традыцыі Джон), у гонар якіх ён і названы.

Гісторыя ўніверсітэта бярэ пачатак з моманту заснавання Нацыянальным таварыствам садзейнічання рэлігійнай адукацыі каледжаў каледжа Святога Яна ў Батэрсі ў Лондане (1840 год) і каледжа Святога Марка ў Чэлсі таксама ў Лондане (1841 год).

Гэтыя каледжы аб'ядналіся ў 1923 годзе, стварыўшы адзіную ўстанову ў Чэлсі пад назвай Каледж Святога Марка і Святога Яна. У 1973 годзе адбыўся пераезд у Плімут з-за таго, што каледж перарос свой лонданскі кампус у Чэлсі.

У 2007 годзе каледж атрымаў статус універсітэцкага каледжа. У 2013 годзе ён атрымаў статус універсітэта.

• На Вікісховішчы ёсць медыяфайлы па тэме Плімуцкі ўніверсітэт Святога Марка і Святога Яна
• Афіцыйная інтэрнэт-старонка ўстановы