Портсмуцкі ўніверсітэт
англ.: University of Portsmouth
Арыгінальная назва	англ.: University of Portsmouth
Заснаваны	1870
Год рэарганізацыі	1992
Краіна	Вялікабрытанія[1]
Размяшчэнне	Портсмут, Англія
Сайт	port.ac.uk
Медыяфайлы на Вікісховішчы

Портсмуцкі ўніверсітэт (англ.: University of Portsmouth) — брытанская дзяржаўная вышэйшая навучальная ўстанова са статусам універсітэта з сядзібай у горадзе Портсмут.

Гэта адзін з чатырох універсітэтаў на паўднёвым усходзе Англіі, якія атрымалі залаты рэйтынг у дзяржаўнай сістэме выкладання.

Яго выпускнікоў можна знайсці па ўсім свеце, ян займаюць высокія і кіруючыя пасады ў банкаўскай сферы, палітыцы і грамадзянскім будаўніцтве.

Універсітэт з'яўляецца членам універсітэцкага альянсу і кансорцыума універсітэтаў Нармандскіх астравоў. Універсітэт прапануе цэлы шэраг дысцыплін, у тым ліку фармацыю, міжнародныя адносіны, машынабудаванне, матэматыку, палеанталогію, крыміналогію і крымінальнае правасуддзе. У выданні "Good University Guide" за 2022 год, складзеным The Times і Sunday Times, універсітэт заняў 88 месца са 132 брытанскіх ВНУ.

• На Вікісховішчы ёсць медыяфайлы па тэме Портсмуцкі ўніверсітэт
• Афіцыйная інтэрнэт-старонка ўстановы