Первамайскі сельсавет

Первамайскі сельсавет
Краіна  Беларусь
Уваходзіць у Дрыбінскі раён
Уключае 22 населеныя пункты
Адміністрацыйны цэнтр Трылесіна
Дата ўтварэння 20 жніўня 1924
Насельніцтва (2019) 2 174
Часавы пояс UTC+03:00
Код аўтам. нумароў 6
Афіцыйны сайт

Первама́йскі сельсавет — адміністрацыйна-тэрытарыяльная адзінка ў складзе Дрыбінскага раёна Магілёўскай вобласці Беларусі. Цэнтр — аграгарадок Трылесіна.

Гісторыя

Утвораны 20 жніўня 1924 года як Гасподаўскі (Трылесінскі) сельсавет у складзе Дрыбінскага раёна Аршанскай акругі БССР. Цэнтр — вёска Гасподы. Пасля скасавання акруговай сістэмы 26 ліпеня 1930 года ў Дрыбінскім раёне БССР, з 8 ліпеня 1931 года — у Горацкім раёне. У 1931 годзе цэнтр сельсавета перанесены ў вёску Трылесіна. З 12 лютага 1935 года ў складзе адноўленага Дрыбінскага раёна БССР, з 20 лютага 1938 года — Магілёўскай вобласці. 20 красавіка 1939 года сельсавет перайменаваны ў Первамайскі, а вёска Гасподы — у Первае Мая. З 16 верасня 1959 года ў складзе Горацкага раёна. 28 верасня 1959 года ў склад сельсавета ўключаны 10 населеных пунктаў скасаванага Суслаўскага сельсавета (вёскі Вялікае Шчокатава, Жакаўка, Засценкі, Каралёўка, Лукаць, Малое Шчокатава, Мокрадзь, Слабодка, Суслаўка і пасёлак Суслаўка)[1]. 24 чэрвеня 1960 года да сельсавета далучана тэрыторыя скасаванага Кароўчынскага сельсавета[2]. 20 чэрвеня 1966 года з часткі сельсавета зноў утвораны Кароўчынскі сельсавет ў складзе 11 населеных пунктаў (Жавань Вялікая, Жавань Малая, Кароўчына I, Кароўчына II, Кароўчынская Слабодка, Палуі, Хасеўка, Чартоўшчына, Шастакі, Шатнева і Юраўка)[3]. З 29 снежня 1989 года ў складзе адноўленага Дрыбінскага раёна. 20 лістапада 2013 года да сельсавета далучана тэрыторыя скасаванага Кароўчынскага сельсавета (9 населеных пунктаў: аграгарадок Кароўчына, вёскі Жавань, Палуі, Слабодка, Сонечная, Хасеўка, Шастакі, Шатнева і Юраўка)[4].

Насельніцтва

Насельніцтва сельсавета паводле перапісу 2009 года (13 населеных пунктаў) — 1585 чалавек[5], з іх 94,0 % — беларусы, 4,6 % — рускія, 0,8 % — украінцы[6]; паводле перапісу 2019 года (22 населеныя пункты) — 2174 чалавекі[7].

Зноскі

  1. ↑ Рашэнне выканкома Магілёўскага абласнога Савета дэпутатаў працоўных ад 28 верасня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 17.
  2. ↑ Рашэнне выканкома Магілёўскага абласнога Савета дэпутатаў працоўных ад 24 чэрвеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 20.
  3. ↑ Рашэнне выканкома Магілёўскага абласнога Савета дэпутатаў працоўных ад 20 чэрвеня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 22 (1142).
  4. ↑ Решение Могилёвского областного совета депутатов №23-1 от 20 ноября 2013 г. Об изменении административно-территориального устройства некоторых административно-территориальных единиц Могилевской области
  5. ↑ Насельніцтва населеных пунктаў Магілёўскай вобласці Беларусі паводле перапісу 2009 года
  6. ↑ Этнічны склад насельніцтва сельсаветаў Беларусі паводле перапісу 2009 года
  7. ↑ Насельніцтва населеных пунктаў Магілёўскай вобласці Беларусі паводле перапісу 2019 года

Літаратура

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.