Расненскі сельсавет (Дрыбінскі раён)

У паняцця ёсць і іншыя значэнні, гл. Расненскі сельсавет.
Расненскі сельсавет
Краіна  Беларусь
Уваходзіць у Дрыбінскі раён
Уключае 20 населеных пунктаў
Адміністрацыйны цэнтр Расна
Дата ўтварэння 20 жніўня 1924
старшыня сельсавета Цімафей Уладзіміравіч Марціновіч
Насельніцтва (2019) 1 234
Плошча 120,8 км²
Часавы пояс UTC+03:00
Код аўтам. нумароў 6
Афіцыйны сайт

Ра́сненскі сельсавет — адміністрацыйна-тэрытарыяльная адзінка ў складзе Дрыбінскага раёна Магілёўскай вобласці Беларусі. Цэнтр — аграгарадок Расна.

Геаграфія

Агульная плошча сельсавета складае 12080 гектараў ці 15% ад плошчы раёна. Землі ляснога фонду складаюць 3220 га (26,6 %), сельскагаспадарчыя ўгоддзі — 6730 га (55,7 %), землі, якія знаходзяцца ў валоданні сельсавета — 657,3 га (5,4 %)[1].

Гісторыя

Утвораны 20 жніўня 1924 года як Расненскі (Раснянскі) сельсавет у складзе Расненскага раёна Калінінскай акругі БССР. З 9 чэрвеня 1927 года ў складзе Аршанскай акругі. Пасля скасавання акруговай сістэмы 26 ліпеня 1930 года ў Расненскім раёне БССР, з 8 ліпеня 1931 года ў Мсціслаўскім раёне, з 12 лютага 1935 года ў Дрыбінскім раёне. 15 ліпеня 1935 года Расна атрымала статус мястэчка. З 20 лютага 1938 года ў складзе Магілёўскай вобласці. 27 верасня 1938 года статус Расна паніжаны да вёскі. У 1939 годзе да сельсавета далучана тэрыторыя скасаванага Заходскага сельсавета, 16 ліпеня 1954 года — тэрыторыя скасаванага Робцаўскага сельсавета[2]. З 16 верасня 1959 года ў складзе Мсціслаўскага раёна, з 14 кастрычніка 1959 года ў складзе Горацкага раёна, з 29 снежня 1989 года ў складзе адноўленага Дрыбінскага раёна[3][4].

Склад

Станам на 1 студзеня 1947 года, у сельсавеце было 14 населеных пунктаў[5], на 1 студзеня 1986 года — 22[6]. На цяперашні дзень у склад Расненскага сельсавета ўваходзяць 19 вёсак і 1 аграгарадок (Расна).

Насельніцтва

У 1999 годзе на тэрыторыі сельсавета пражывалі 1979 чалавек.
Насельніцтва сельсавета паводле перапісу 2009 года — 1461 чалавек[7], з іх 93,6 % — беларусы, 5,0 % — рускія, 0,8 % — украінцы[8].
Па звестках 2018 года, налічвалася 1345 жыхароў, было зарэгістравана 598 домаўладанняў. 57 % жыхароў сельсавета складаюць людзі працаздольнага ўзросту, 29 % з’яўляюцца пенсіянерамі, 14,3 % — дзецьмі. У 2018 годзе было 66 незанятых у эканоміцы чалавек[1].
Насельніцтва сельсавета паводле перапісу 2019 года — 1234 чалавекі[9].

Інфраструктура

Галоўным сельскагаспадарчым прадпрыемствам на тэрыторыі Расненскага сельсавета з’яўляецца «Саўгас імя Кірава». Адукацыю забяспечваюць Расненская сярэдняя школа, пры якой маецца гісторыка-этнаграфічны музей і Расненская дапаможная школа-інтэрнат. Маюцца 5 дамоў сацыяльных паслуг.

Кіраўніцтва

Старшыня сельсавета — Цімафей Уладзіміравіч Марціновіч[10].

Зноскі

  1. ↑ а б Прошел День Ряснянского сельского Совета
  2. ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
  3. ↑ Рясненский сельский Совет депутатов и исполнительный комитет Архівавана 13 жніўня 2019. (руск.) // Фондавы каталог дзяржаўных архіваў Рэспублікі Беларусь
  4. ↑ Гісторыя Беларускай ССР: у 5 т. — Мн., 1973. — Т. 3. — С. 629.(недаступная спасылка)
  5. ↑ Белорусская ССР. Административно-территориальное деление на 1 января 1947 года.. — Мн.: Гос. изд-во БССР, 1947. — 300 с. — 10 000 экз. С. 158
  6. ↑ Белорусская ССР. Административно-территориальное деление на 1 января 1986 года. — 7-е издание. — Мн.: Беларусь, 1986. — 231 с. С. 82
  7. ↑ Насельніцтва населеных пунктаў Магілёўскай вобласці Беларусі паводле перапісу 2009 года
  8. ↑ Этнічны склад насельніцтва сельсаветаў Беларусі паводле перапісу 2009 года
  9. ↑ Насельніцтва населеных пунктаў Магілёўскай вобласці Беларусі паводле перапісу 2019 года
  10. ↑ Рясненский сельский исполнительный комитет Дрибинского района Могилевской области

Літаратура

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
  • Белорусская ССР. Административно-территориальное деление на 1 января 1947 года.. — Мн.: Гос. изд-во БССР, 1947. — 300 с. — 10 000 экз.
  • Гарады і вёскі Беларусі: Энцыклапедыя. Т. 5, кн. 1. Магілёўская вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2008. — 728 с.: іл. — 2 000 экз. — ISBN 978-985-11-0409-9. С. 587, 613—616