Масавае забойства ў Цэтынэ (2025)

Масавыя забойствы ў Цэтынэ
Месца нападу Чарнагорыя Цэтынэ
Дата 1 студзеня 2025
Спосаб нападу масавы расстрэл
Загінулыя 13 (у тым ліку нападнік)
Колькасць тэрарыстаў 1

1 студзеня 2025 года ў другой палове дня ў чарнагорскім горадзе Цэтынэ адбылося масавае забойства, у выніку якога загінула 14 чалавек (разам з нападнікам)[1].

Пасля бойкі ў кафэ (па іншых даных, у бары ці рэстаране) мужчына, ідэнтыфікаваны як Ацо Марцінавіч, вярнуўся туды са зброяй і пачаў стральбу, забіўшы, па меншай меры, сем чалавек. Затым ён забіў двух дзяцей і жанчыну на вуліцы, перш чым пакінуў пісталет і ўцёк з месца здарэння[2][3][4]. Падчас спробы затрымання паліцыяй Ацо стрэліў у сябе і памёр па дарозе ў бальніцу[5][6].

3 студзеня прэм’ер-міністр краіны Мілойка Спаіч правёў пасяджэнне Савета нацыянальнай бяспекі. На пасяджэнні абмяркоўваліся новыя правілы валодання зброяй. Згодна з новымі правіламі, да 1 студзеня 2026 года ўсе ўладальнікі зброі павінны прайсці дадатковае псіхалагічнае абследаванне. У адваротным выпадку іх ліцэнзіі будуць ануляваныя. Грамадзяне, якія незаконна захоўваюць зброю, абавязаны здаць яе на працягу двух месяцаў. За невыкананне гэтага патрабавання прадугледжаны значныя штрафы[7]

У той жа дзень у сталіцы Чарнагорыі Падгорыцы адбыўся мітынг ля будынка ўрада. Удзельнікі акцыі пратэсту выказалі незадаволенасць палітыкай уладаў у сферы кантролю за абаротам зброі, абвінаваціўшы іх у неэфектыўнасці[7].

Урад абвясціў трохдзённую жалобу[1].

Гл. таксама

Крыніцы

  1. ↑ а б "При стрельбе в кафе в Черногории погибли 10 человек". РИА Новости. 2025-01-01. Архівавана з арыгінала 2025-01-01. Праверана 2025-01-01.
  2. ↑ https://www.reuters.com/world/europe/several-dead-shooting-incident-montenegro-local-media-citing-police-2025-01-01/
  3. ↑ "В Черногории мужчина расстрелял людей в кафе". РИА Новости. 2025-01-01. Архівавана з арыгінала 2025-01-01. Праверана 2025-01-01.
  4. ↑ "Массовое убийство в Черногории". TRT на русском. 2025-01-01. Архівавана з арыгінала 2025-01-01. Праверана 2025-01-01.
  5. ↑ "At least 10 killed and four wounded in Montenegro shooting". The Guardian. 2025-01-01. Праверана 2025-01-01.
  6. ↑ Стрелявший в Цетине скончался по пути в Клинический центр – The Montenegro Times (руск.). mntimes.me (1 студзеня 2025). Праверана 2 студзеня 2025.
  7. ↑ а б Линке, Николай (2025-01-04). "Черногория после громкого убийства ужесточит закон об оружии". Deutsche Welle. Архівавана з арыгінала 2025-01-05. Праверана 2025-01-05.