Людміла Іосіфаўна Сцефановіч (нар. 21 мая 1958, Мінск) — беларускі эканаміст. Доктар эканамічных навук (2013), дацэнт (2009), прафесар.

Скончыла Беларускі дзяржаўны інстытут народнай гаспадаркі імя В. У. Куйбышава (спецыяльнасць «Бухгалтарскі ўлік», 1980), Акадэмію кіравання пры Прэзідэнце Рэспублікі Беларусь (спецыяльнасць «Дзяржаўнае кіраванне», 2002), Мінскі дзяржаўны лінгвістычны ўніверсітэт (спецыяльнасць «Англійская мова», 2005), Беларускі дзяржаўны эканамічны ўніверсітэт (аспірантура, спецыяльнасць «Бухгалтарскі ўлік, статыстыка», 2005; дактарантура, 2013).

Працавала ў Нацыянальным банку Рэспублікі Беларусь (1980—2015), Беларускім дзяржаўным універсітэце (эканамічны факультэт, кафедра банкаўскай эканомікі, прафесар).

Навуковыя інтарэсы: банкаўская справа; фінансы і крэдыт; бухгалтарскі ўлік і справаздачнасць у банках; фінансавая справаздачнасць; аналіз дзейнасці банкаў; безнаяўныя разлікі; рознічныя плацяжы; лічбавы банкінг.

Нагрудны знак «Ганаровы работнік банкаўскай сістэмы Беларусі» (2008), ганаровыя граматы Нацыянальнага сходу Рэспублікі Беларусь (2010), Нацыянальнага банка Рэспублікі Беларусь (1997, 2005, 2015), падзякі Нацыянальнага банка Рэспублікі Беларусь (1997, 1999, 2000).

• Стратегия развития бухгалтерского учета и отчетности в банках в условиях глобализации международных рынков капитала : диссертация … доктора экономических наук : 08.00.12 : защищена 10.04.2013 : утверждена 30.10.2013 / Стефанович Людмила Иосифовна. — Минск, 2012.
• Реформирование системы бухгалтерского учета и отчетности в банках Республики Беларусь / Л. И. Стефанович. — Минск, 2006.
• Карточный рынок Беларуси: карточки, инфраструктура, операции / Людмила Стефанович // Банкаўскі веснік. — 2014. — № 8. — С. 64—71.