Дом Гурэвіча

Славутасць
Дом па Ленінскай вуліцы, 4
53°53′44″ пн. ш. 30°19′59″ у. д.HGЯO
Краіна  Беларусь
Горад Магілёў
Дата пабудовы XIX стагоддзе
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 513Е000001шыфр 513Е000001
Map

Дом Гурэвіча — будынак у гістарычным цэнтры Магілёва. Размешчаны па Ленінскай вуліцы, 4.

Гісторыя

Пабудаваны ў канцы XIX ст. на вул. Вялікай Садовай, пабудаваны як жылы будынак. Належаў Гурэвічу. Верхні паверх займалі жылыя кватэры, на ніжнім размяшчалася пяць крам[1].

У 1920-х гг. будынак нацыяналізаваны. Выкарыстоўваўся як жылы. Пасля Вялікай Айчыннай вайны адбудаваны ў 1950—1953 гг. У 1995 г. рэканструяваны з дабудовай да трохпавярховага аб’ёма. Цяпер гэта жылы дом з гандлёвымі кропкамі на першым паверсе[1].

Архітэктура

Уяўляе сабой двухпавярховы прамавугольны ў плане цагляны будынак, які галоўным фасадам выходзіць на вул. Ленінскую. Паверхі падзелены карнізным паяском. Першы паверх галоўнага фасада дэкарыраваны рустоўкай, другі — гладкі, аконныя праёмы прамавугольныя. Сцены завершаны прафіляваным карнізам. Унутраная планіроўка анфіладная, цяпер зменена[2].

Зноскі

  1. ↑ а б kropki.by — інтэрактыўная мапа Магілёва(недаступная спасылка). Архівавана з першакрыніцы 10 верасня 2022. Праверана 22 чэрвеня 2022.
  2. ↑ Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

Літаратура

Спасылкі

Ахоўны знак Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Е000001