Арэст Васілевіч Далжонак
Дата нараджэння	7 мая 1935(1935-05-07)
Месца нараджэння	Падомхі, гміна Докшыцы, Дзісенскі павет, Віленскае ваяводства, Польская Рэспубліка
Дата смерці	1 красавіка 2016(2016-04-01) (80 гадоў)
Месца смерці	Казловічы, Казловіцкі сельсавет, Слуцкі раён, Мінская вобласць, Беларусь
Краіна	Беларусь
Альма-матар	Маладзечанскі дзяржаўны музычны каледж імя М. К. Агінскага (1963)
Музычная дзейнасць
Прафесіі	самадзейны мастак, хормайстар
Узнагароды

Арэст Васілевіч Далжонак (нар. 7 мая 1935, в. Падомхі, Докшыцкі раён — 1 красавіка 2016) — беларускі дзеяч аматарскага мастацтва, харавы дырыжор. Заслужаны работнік культуры Беларускай ССР (1980)^[1].

Нарадзіўся 7 мая 1935 года ў вёсцы Падомхі Дзісенскага павета. Скончыў у 1963 годзе Маладзечанскае музычнае вучылішча. У 1963—2002 гадах кіраўнік народнага хору цэнтральнага Дома культуры ў вёсцы Казловічы Слуцкага раёна^[1].

Памёр 1 красавіка 2016 года^[2].

Для творчасці Далжонка характэрны беражлівыя адносіны да народнай песні, імкненне захаваць яе ў блізкім да аўтэнтычнага выглядзе. Аўтар песень «Беларусі юбілейнай», «Наш край случанскі»^[1].

• Далжонак Арэст Васільевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

• Арэст Васілевіч Далжонак на сайце анлайн-энцыклапедыі «Беларусь у асобах і падзеях»