Інстытут палітычных і этнанацыянальных даследаванняў імя І. Ф. Кураса НАН Украіны — навукова-даследчая ўстанова ў складзе Аддзялення гісторыі, філасофіі і права Нацыянальнай акадэміі навук Украіны, займаецца навуковымі даследаваннямі ў галіне гісторыі і сучаснай дынамікі палітычных інстытутаў і працэсаў, узаемаўплыву палітыкі, палітычнай культуры, этнанацыянальных, міжрэлігійных і міжканфесійных, рэгіянальных адносінаў і фактараў сацыяльнага жыцця, выпрацоўкі новых парадыгм этнанацыянальнага развіцця, прадухілення канфлікту у этнанацыянальнай сферы, мадэлявання аптымальных варыянтаў этнапалітыкі, распрацоўкі тэхналогій кіравання ў сістэме палітычных і міжэтнічных адносін, экспертызы законапраектаў, дзяржаўных і недзяржаўных праграм у розных сферах грамадскага жыцця, тэарэтычных і метадалагічных аспектаў палітычных і этнанацыянальных даследаванняў.
Гісторыя
Установа створана пастановай Прэзідыума Акадэміі навук Украіны ад 11 снежня 1991 года на матэрыяльна-тэхнічнай базе былога Інстытута палітычных даследаванняў пры ЦК Кампартыі Украіны як Інстытут нацыянальных адносін і паліталогіі НАН Украіны. З 1997 — Інстытут палітычных і этнанацыянальных даследаванняў НАН Украіны, з 2005 — імя І. Ф. Кураса.
