Выхаванец мінскай «Зоркі-БДУ», з 2014 года пачаў выступаць за каманду ў Першай лізе, з цягам часу замацаваўся ў аснове. Па выніках сезона 2018 дапамог камандзе выйсці ў Вышэйшую лігу. Сам, аднак, быў выведзены з асноўнага складу і падтрымліваў форму з дублем, а ў сакавіку 2019 года быў аддадзены ў арэнду ў крымскі клуб «Інкамспорт»[4], які ўзначальваў беларускі спецыяліст Юрый Свіркоў. У маі 2019 года пасля звальнення Свіркова пакінуў каманду ўслед за ім.
У ліпені 2019 года быў аддадзены ў арэнду ў «Смалявічы»[5]. Замацаваўся ў стартавым складзе каманды і дапамог ёй выйсці ў Вышэйшую лігу. У студзені 2020 года падпісаў паўнавартасны кантракт са «Смалявічамі»[6]. У верасні 2020 года па пагадненні бакоў пакінуў клуб[7] і неўзабаве далучыўся да «Слуцка»[8]. У «Слуцку» стаў трывалым іграком асновы.
У ліпені 2021 года па пагадненні бакоў пакінуў слуцкі клуб[9] і неўзабаве далучыўся да астраханскага «Валгара»[10]. У чэрвені 2023 года пакінуў астраханскі клуб па заканчэнні кантракта[11].
У жніўні 2023 года стаў іграком «Гомеля»[12]. У студзені 2024 года падоўжыў кантракт з клубам[13].
11 лістапада 2016 года правёў свой адзіны матч за моладзевую зборную Беларусі, калі выйшаў у стартавым складзе ў таварыскім матчы супраць Украіны, але ўжо на 9-й хвіліне быў заменены.
