Ігар Мікалаевіч Молчан (нар. 22 кастрычніка 1962, Мінск) — беларускі балетнік.

Скончыў у 1978 годзе Ленінградскае харэаграфічнае вучылішча імя А. Ваганавай. У 1978—1984 і 1990—1991 гадах саліст Дзяржаўнага тэатра оперы і балета Беларусі.

Танцоўшчык героіка-рамантычнага плана, найбольш схільны да чыстай класікі. У ролях, выкананых на сцэне тэатра, выявіў віртуознае валоданне тэхнікай танца (асабліва ўражвалі вярчэнні, высокі доўгі скачок). Сярод іх: Прынц («Шчаўкунок» П. Чайкоўскага), Альберт («Жызэль^[ru]» А. Адана), Базіль, Салор («Дон Кіхот», класічны акт «Цені» з балета «Баядэрка^[ru]» Л. Мінкуса), Кален («Ліза і Кален^[ru]» Л. Герольда^[ru]), Тарэра («Кармэн-сюіта^[ru]» Ж. Бізэ — Р. Шчадрына), Пётр («Прывал кавалерыі» І. Армсгеймера^[ru]), Іван («Альпійская балада» Я. Глебава).

Лаўрэат 9-га Міжнароднага конкурсу артыстаў балета ў Варне^[ru] (Балгарыя, 1978, сярэбраны медаль).

• Л. І. Вішнеўская. Молчан Ігар Мікалаевіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.