Эсташ Лесюэр (фр.: Eustache Lesueur або Le Sueur; 19 лістапада 1616, Парыж — 30 красавіка 1655, Парыж) — французскі мастак стылю барока, які пісаў карціны на рэлігійна-гістарычныя тэмы і празваны «французскім Рафаэлем». Адзін са старэйшын французскай Каралеўскай акадэміі жывапісу і скульптуры.
Біяграфія
Ён нарадзіўся ў Парыжы, дзе правёў усё сваё жыццё. Яго бацька, Кацелін Лесюэр, быў токарам і скульптарам па дрэве. Вучань Сімона Вуэ, старанна вывучаў таксама працы Рафаэля і Н. Пусэна, якія былі ў Францыі. У раннім узросце быў прыняты ў гільдыю майстроў-жывапісцаў, але ён пакінуў іх, каб узяць удзел у стварэнні Акадэміі жывапісу і скульптуры. З 1648 года — член Акадэміі. Яго вучнямі былі тры яго браты і брат яго жонкі Тэадор Гусэ, а таксама Клод Лефеўр і П’ер Патэль.
Зноскі
