Суверэнны савет Судана — орган улады ў Судане, які выконваў функцыі кіраўніка дзяржавы з 20 жніўня 2019 да 25 кастрычніка 2021. Створаны ў адпаведнасці з праектам канстытуцыйнай дэкларацыі ад жніўня 2019 года, прынятай Пераходным ваенным саветам Судана з аднаго боку і Альянсам за свабоду і перамены з другога^[1][2]. У адпаведнасці з артыкулам 10 пункт b праекта канстытуцыйнай дэкларацыі, Савет складаецца з пяці грамадзянскіх асоб, выбраных Альянсам за свабоду і перамены (АСД), пяці вайскоўцаў, выбраных пераходным ваенным саветам (ПВС), і грамадзянскай асобы, абранай па дамове паміж АСД і ПВС. Старшынёй на працягу першых 21 месяца з’яўляўся вайсковец Абдэль Фатах аль-Бурхан, а на працягу астатніх 18 месяцаў старшынёй павінен быў стаць грамадзянскі член у адпаведнасці з артыкулам 10 пункт c.

Орган спыніў дзейнасць у сувязі з ваенным пераваротам кастрычніка 2021 года^[3]. У лістападзе замест яго ўтвораны Пераходны суверэнны савет Судана^[4][5][6].