Праваслаўны храм
Свята-Мікалаеўская царква
53°41′34,30″ пн. ш. 31°43′11″ у. д.HGЯO
Краіна	Беларусь
Горад	Крычаў
Канфесія	Праваслаўе
Епархія	Магілёўская
Архітэктурны стыль	народнае дойлідства
Першае згадванне	1682
Дата пабудовы	кан. XIX — пач. XX ст.
Статус	ахоўваецца дзяржавай
Стан	дзейнічае
Сайт	svnikolski.mogeparhia.by
Медыяфайлы на Вікісховішчы

Свя́та-Мікала́еўская царква́ — драўляны праваслаўны храм у горадзе Крычаве Магілёўскай вобласці, помнік беларускага народнага дойлідства.

На Замкавай гары (вул. Сожная), на высокім левым беразе р. Сож. Пабудавана ў 1838 г. з дрэва на месцы старажытнага касцёла Св. Еліяша, узведзенага пры каралю Казіміру І, паводле падання, на месцы язычніцкага капішча. Капітальна перабудавана ў 1950-я гг.

Твор народнага дойлідства. Трохзрубную падоўжна-восевую кампазіцыю фарміруюць прытвор, малітоўная зала, пяцігранная апсіда з бакавымі рызніцамі. Галоўны фасад асноўнага выцягнутага прамавугольнага зруба завершаны галоўкай на двух'ярусным васьмігранным барабане. Гарызантальна ашаляваныя бакавыя фасады расчлянёны прамавугольнымі аконнымі праёмамі ў ліштвах, вертыкальнай шалёўкай вылучана цокальная і фрызавая часткі фасадаў.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000482

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Свята-Мікалаеўская царква (Крычаў)
• Свята-Мікалаеўская царква (Крычаў) на сайце Праваслаўная архітэктура Беларусі (бел.)
• Свята-Мікалаеўская царква (Крычаў) на сайце Radzima.org
• Свята-Мікалаеўская царква (Крычаў) на сайце Глобус Беларусі (руск.)
• Свята-Мікалаеўская царква (Крычаў) на сайце «Архіварта»