Праваслаўны храм
Свята-Барыса-Глебская царква
52°18′08,58″ пн. ш. 26°38′32,76″ у. д.HGЯO
Краіна	Беларусь
Аграгарадок	Лунін
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	Беларускае народнае дойлідства
Дата пабудовы	1824 год
Статус	Гісторыка-культурная каштоўнасць Беларусі, шыфр 113Г000466шыфр 113Г000466
Медыяфайлы на Вікісховішчы

Свята-Барыса-Глебская царква — праваслаўны храм у аграгарадку Лунін Лунінецкага раёна Брэсцкай вобласці.

Знаходзіцца ў паўночнай частцы вёскі. Пабудавана ў 1824 годзе з дрэва^[1]. На могілках у 1825 г. пастаўлена прыпісная да яе драўляная капліца (не захавалася).

Помнік народнага дойлідства з рысамі класіцызму. У асноае храма васьмігранны цэнтральны зруб, да якога з заходу далучаны прамавугольны прытвор, над якім у пачатку 20 ст. ўзведзена двух'ярусная чацверыковая шатровая званіца (раней стаяла асобна).

Асноўны зруб накрыты высокім гранёным шатром. Уваход вылучаны ганкам з лучковай навіссю на слупах. Гарызантальна ашаляваныя фасады расчлянёны лучковымі аконнымі праёмамі ў ліштвах. Зала храма перакрыта плоскай столлю, у яе шырокай аркай адкрываецца памяшканне прытвора, над якім зроблены хоры.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000466

	Свята-Барыса-Глебская царква (Лунін) на Вікісховішчы

• Свята-Барыса-Глебская царква (Лунін) на сайце Radzima.org
• Свята-Барыса-Глебская царква (Лунін) на сайце Глобус Беларусі (руск.)
• Свята-Барыса-Глебская царква (Лунін) на сайце «Архіварта»