Раман Мсціславіч
М. Неўраў. Раман Галіцкі прымае паслоў Папы Інакенція III. 1875. Нацыянальны мастацкі музей Рэспублікі Беларусь
Нараджэнне	1150
Смерць	19 чэрвеня 1205 Завіхаст, Завіхаст, Сандамірскі павет, Свентакшыскае ваяводства, Польшча
Род	Рурыкавічы
Бацька	Мсціслаў Ізяславіч
Маці	Агнешка Баляславаўна[d]
Жонка	Раманава[d] і Predslava Rurikovna[d]
Дзеці	Даніла Раманавіч, Васілька Раманавіч, Фядора Раманаўна[d], Алена Раманаўна[d] і Salomea of Halych[d]
Медыяфайлы на Вікісховішчы

Раман Мсціславіч Галіцкі (пасля 1160 — 19 чэрвеня 1205) — першы галіцка-валынскі князь (1199—1205).

Сын уладзіміра-валынскага і кіеўскага князя Мсціслава Ізяславіча і Агнесы, дачкі польскага князя Баляслава III. Бацька Данілы Раманавіча.

У 1168—70 князь наўгародскі. Пасля смерці бацькі з 1170 князь Уладзіміра-Валынскага княства. У 1199 авалодаў таксама прастолам суседняга Галіцкага княства, у выніку чаго пад яго ўладай утварылася адзінае Галіцка-Валынскае княства. У 1202—03 падпарадкаваў сабе Кіеўскае княства і стаў наймацнейшым князем Паўднёва-Заходняй Русі. Ваяваў з полаўцамі, летапіснай Літвой і яцвягамі. Адмовіўся ад прапановы рымскага папы Інакенція III, які абяцаў яму каралеўскую карону пры ўмове прыняцця каталіцтва. Забіты ў час міжусобнай вайны ў Польшчы, дзе падтрымліваў князя Лешку.

• Раман Мсціславіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).