Піро́г — печаны выраб з тонка раскачанага цеста з начынкай^[1]. Начынка для пірагоў можа быць салодкай (ягады, садавіна, тварог, мак) і несалодкай (гародніна, мяса, рыба).

Рэцэпты пірагоў ёсць практычна ў кожнай нацыянальнай кухні. Існуе вялікая колькасць розных рэцэптаў пірагоў.^[2] Цеста для пірагоў можа быць

• дражджавым (здобным або звычайным),
• бісквітным,
• слаёным.

Пірагі могуць быць з разнастайнымі начынкамі, а таксама мець розны знешні выгляд: пірагі бываюць адкрытыя (ватрушка, шарлотка), закрытыя (кулебяка, курнік), паўадкрытыя (расцегай, эчпочмак) і слаёныя (штрудэль).^[3]

• У Францыі шырока распаўсюджаны адкрыты пірог з несалодкага цесту, які называецца кіш.
• У Германіі папулярны нямецкі слівавы пірог — адкрыты фруктовы пірог з начынкай са свежай сіняй слівы на дражджавым або пясочным цесце.
• У ЗША яблычны пірог з’яўляецца адным з нацыянальных сімвалаў. У такія святы як Дзень падзякі і Каляды папулярнымі з’яўляюцца пеканавы і гарбузовы пірагі.
• У Фларыдзе (ЗША) лаймавы пірог мае статус афіцыйнага пірага Фларыды. Статус замацаваны заканадаўча ў 2006 годзе.^[4]
• Традыцыйны для шэрагу арабскіх краін плоскі пірог мартабак у XX стагоддзі шырока распаўсюдзіўся таксама ў краінах Паўднёвай і Паўднёва-Усходняй Азіі, у многіх з якіх ўспрымаецца ўжо як уласная нацыянальная страва.

• Клафуці

• На Вікісховішчы ёсць медыяфайлы па тэме Пірог