«Птушкі ў цярноўніку» (англ.: The Thorn Birds, руск.: Поющие в терновнике) — міні-серыял, экранізацыя твора аўстралійскай пісьменніцы Колін Мак-Калау.

Экранізацыя вядомага рамана пісьменніцы Колін Мак-Калау расказвае эпічную гісторыю жыцця сям’і Кліры, якая пераехала з Новай Зеландыі на ранча ў Аўстраліі. Падзеі разгортваюцца вакол забароненага кахання Мэгі Кліры і амбіцыйнага каталіцкага святара Ральфа дэ Брыкасара.

• Рычард Чэмберлен — Айцец Ральф дэ Брыкасар
• Рэйчэл Уорд — Мэген «Мэгі» Кліры
• Джын Сіманс — Фіёна «Фiя» Кліры
• Рычард Кілі — Падрык «Пэддзі» Кліры
• Барбара Стэнвік — Мэры Элізабэт Кліры Карсан
• Крыстафер Пламер — Архіепіскап Віторыа дзі Канціні-Верчэзэ
• Браян Браўн — Люк О’Ніл
• Мэр Уінінхэм — Джасціна О’Ніл
• Пайпер Лоры — Эн Мюлер
• Брэт Кален — Боб Кліры

• 1984 — перамога ў намінацыі «Найлепшы акцёр міні-серыяла або фільма на ТБ» «Птушкі ў цярноўніку» Рычард Чэмберлен на прэмію Залаты глобус.

Прадмова да фільма, узятая з кнігі:

Ёсць такая легенда - пра птушку, што спявае толькі адзін раз за ўсё жыццё, але затое прыгажэй чым усе на свеце. Аднойчы яна пакідае сваё гняздо і ляціць шукаць куст цярноўніку, і не супакоіцца, пакуль не знойдзе. Сярод калючых галін запявае яна песню і кідаецца грудзьмі на самы доўгі, самы востры шып. І, узвышаючыся над невымоўнаю мукаю, так спявае, паміраючы, што гэтай радаснай песні пазайздросцілі б і жаўрук, і салавей. Адзіная, непараўнальная песня, і дастаецца яна коштам жыцця. Але ўвесь свет замірае, прыслухоўваючыся, і сам Бог усміхаецца ў нябёсах. Бо ўсё самае лепшае купляецца толькі коштам вялікай пакуты... Прынамсі так кажа легенда.

• «Птушкі ў цярноўніку» на сайце «Internet Movie Database» (англ.)
• The Thorn Birds (англ.)(недаступная спасылка). Encyclopedia of Television. Архівавана з першакрыніцы 9 сакавіка 2013. Праверана 27 лютага 2013.