Нафталін
Агульныя
Сістэматычнае найменне	Нафталін
Хім. формула	C10Н8
Фізічныя ўласцівасці
Малярная маса	128,17052 г/моль
Шчыльнасць	1,14 г/см³
Тэрмічныя ўласцівасці
Тэмпература плаўлення	80,26 °C
Тэмпература кіпення	218 °C
Тэмпература ўспышкі	79—87 °C
Класіфікацыя
Рэг. нумар CAS	91-20-3
PubChem	931
Рэг. нумар EINECS	202-049-5
SMILES	c1cccc2c1cccc2
Рэг. нумар EC	202-049-5
RTECS	QJ0525000
ChemSpider	906

Нафталін — араматычны вуглевадарод, С₁₀Н₈. Цвёрдае крышталічнае лятучае рэчыва з характэрным пахам, у вадзе не раствараецца, добра раствараецца ў бензоле, эфіры.

Нафталін па хімічных уласцівасцях падобны да бензола: лёгка нітрыруецца, сульфіруецца, ўзаемадзейнічае з галагенамі. Адрозніваецца ад бензолу тым, што яшчэ лягчэй уступае ў рэакцыі. Акісляецца кіслародам паветра ў прысутнасці V₂O₅ з утварэннем фталевага ангідрыду.

Шчыльнасць 1,14 г/см ³, тэмпература плаўлення 80,26 °C, тэмпература кіпення 218 °C, растваральнасць у вадзе прыкладна 30 мг/л, тэмпература ўспышкі 79—87 °C, тэмпература самазагарання 525 °C, малярная маса 128,17052 г/моль.

Нафталін атрымліваюць з каменнавугальнай смалы і піролізам нафтапрадуктаў.

Важная сыравіна хімічнай прамысловасці: прымяняецца для сінтэзу фталевага ангідрыду, тэтраліна, дэкаліна, разнастайных вытворных нафталіну.

Вытворныя нафталіну ўжываюць для атрымання фарбавальнікаў і выбуховых рэчываў, у медыцыне, у якасці інсектыцыда.

• Нафталін // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 216. — 10 000 экз. — ISBN 985-11-0035-8. — ISBN 985-11-0188-5 (т. 11).
• Хімічны слоўнік навучэнца: Дапам. для вучняў / Б. Н. Качаргін, В. М. Макарэўскі, Л. Я. Гарнастаева, В. С. Аранская. — Мн.: Народная асвета, 2003. — С. 164. — 287 с. — 1 000 экз. — ISBN 985-12-0621-8.

• Інфармацыя на сайце ХиМиК.ру (руск.)