Мікалай Пятровіч Пісарэнка
Дата нараджэння	11 верасня 1926(1926-09-11)
Месца нараджэння	Ніколіна Балка[d], Q23043588?, Petrovsky District[d], Стаўрапольскі край, РСФСР, СССР
Дата смерці	22 лютага 2009(2009-02-22) (82 гады)
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	эканоміка
Месца працы	Расійскі ўніверсітэт кааперацыі[d] Інстытут эканомікі РАН[d] Беларускі гандлёва-эканамічны ўніверсітэт спажывецкай кааперацыі
Навуковая ступень	кандыдат эканамічных навук (1964) і доктар навук[d] (1977)
Альма-матар	Расійскі дзяржаўны гандлёва-эканамічны ўніверсітэт[d] (1961) Расійскі ўніверсітэт кааперацыі[d] (1964)
Узнагароды

Мікалай Пятровіч Пісарэнка (11 верасня 1926, в. Ніколіна Балка, Стаўрапольскі край, РСФСР — 22 лютага 2009) — савецкі эканаміст. Доктар эканамічных навук (1977), прафесар (1981), акадэмік Беларускай інжынернай акадэміі (1993), член-карэспандэнт Міжнароднай інжынернай акадэміі (1994).

У 1943 годзе ў сямнаццацігадовым узросце добраахвотнікам уступіў у шэрагі Савецкай Арміі, дзе праслужыў у званні радавога да мая 1945 года.

Пасля сканчэння бухгалтарскага аддзялення Пяцігорскага кааператыўнага тэхнікума тры гады працаваў галоўным бухгалтарам райспажыўсаюза ў Туркменскім раёне і тры гады — у Качубееўскім раёне Стаўрапольскага краю. Потым па накіраванню Стаўрапольскага краёвага спажыўсаюза яго перавялі на пасаду галоўнага бухгалтара Чаркескага аблспажыўсаюза, дзе пасля ён працаваў намеснікам старшыні ўпраўлення па фінансах.

У 1961 годзе скончыў Усесаюзны завочны інстытут савецкага гандлю па спецыяльнасці «бухгалтар-эканаміст», у 1964 годзе скончыў аспірантуру ў Маскоўскім кааператыўным інстытуце.

З 1966 па 1973 год працаваў у Маскоўскім кааператыўным інстытуце. У 1973—1978 годзе працаваў старшым навуковым супрацоўнікам у Інстытуце эканомікі АН СССР.

У 1978 годзе быў зацверджаны на пасаду прарэктара Маскоўскага кааператыўнага інстытута па Гомельскім філіяле. У 1980 годзе стаў першым рэктарам Гомельскага кааператыўнага інстытута Цэнтрасаюза. З 1996 па 2001 год працаваў у гэтым універсітэце загадчыкам кафедры эканомікі гандлю. Пасля 2001 года працаваў прафесарам гэтай кафедры.

З 17 лістапада 2003 года — галоўны рэдактар навукова-практычнага часопіса «Спажывецкая кааперацыя».

• Ордэн Дружбы народаў
• Ганаровая грамата Інстытута эканомікі Акадэміі навук СССР
• Ганаровая грамата Праўлення Цэнтрасаюза і Прэзідыума ЦК прафсаюзаў
• Ганаровая грамата Вярхоўнага Савета Беларускай ССР

За вялікі асабісты ўклад у падрыхтоўку і выхаванне кадраў для спажывецкай кааперацыі яму прысвоена званне «Ганаровы ветэран спажывецкай кааперацыі Беларусі».

Потребительская кооперация(руск.). — 2006. — № 3(14). — С. 4-8.

• Вучоныя Беларусі. Пісарэнка Мікалай Пятровіч, доктар эканамічных навук (руск.) (Праверана 6 чэрвеня 2023)