Мікалай Міхайлавіч Гвай
Нараджэнне	14 мая 1931(1931-05-14) (93 гады) Парасляны, Пружанскі павет, Палескае ваяводства, Польская Рэспубліка
Адукацыя	Брэсцкі дзяржаўны ўніверсітэт імя А. С. Пушкіна Мінская вышэйшая партыйная школа пры ЦК КПБ (1963)
Узнагароды

Мікалай Міхайлавіч Гвай (нар. 14 мая 1931, в. Парасляны Пружанскага раёна, Брэсцкая вобласць) — дзеяч мясцовага кіравання, дэпутат Вярхоўнага Савета БССР.

Скончыў Брэсцкі педінстытут. Працаваў у калгасе «Усход», настаўнікам. У 1955—1959 гадах 2-і сакратар Шарашоўскага, а потым 1-ы сакратар Пружанскага райкамаў ЛКСМБ. Пасля заканчэння ў 1963 годзе Мінскай ВПШ працаваў у апараце абласнога камітэта КПБ. З 1966 года 1-ы сакратар Ганцавіцкага РК КПБ, а ў 1977—1985 гадах — Кобрынскага гаркама КПБ. У 1985—1991 гадах старшыня Брэсцкага абласнога савета прафсаюзаў. У 1991—1994 гадах у апараце абласнога Савета народных дэпутатаў. Быў дэпутатам Вярхоўнага Савета БССР 10-га склікання.

Узнагароджаны ордэнамі Кастрычніцкай рэвалюцыі, Працоўнага Чырвонага Сцяга, «Знак Пашаны», медалямі^[1].