Мулінэ  — пража з бавоўны, атрыманая заводскім або ручным спосабам, і прызначана для вышывання або іншых відаў рукадзелля.

Сусветныя брэнды вытворцаў мулінэ — DMC, Madeira і Anchor.

Мулінэ прадаецца маткамі па 8 (DMC, Gamma, Anchor), 10 (Madeira) або 20 метраў або на метры.

У кожнага вытворцы мулінэ свой набор колераў і сістэма іх кадавання. Коды колераў паказваюць на схемах вышывання. Таксама існуюць табліцы перакладу колераў з адной сістэмы кадавання ў іншыя сістэмы^[1], або колер падбіраюць, параўноўваючы адценні з дапамогай карт колераў.