Мазавецкае ваяводства
польск.: Województwo mazowieckie
Герб[d] Сцяг[d]
Краіна	Польшча
Уваходзіць у	Польшча
Адміністрацыйны цэнтр	Варшава
Найбуйнейшыя гарады	Радам, Плоцк, Седльцэ
Дата ўтварэння	1 студзеня 1999
Насельніцтва (2013)	5 301 760 (1-е месца)
Шчыльнасць	149 чал./км²
Плошча	35 558 км² (1-е месца)
Код ISO 3166-2	PL-14
Код аўтам. нумароў	W
Афіцыйны сайт
Медыяфайлы на Вікісховішчы

Мазавецкае ваяводства (польск.: województwo mazowieckie) — адміністрацыйна-тэрытарыяльная адзінка ў цэнтральнай частцы Польшчы. Адміністрацыйны цэнтр і буйнейшы горад — Варшава. Плошча — 35 тыс. км², насельніцтва — 5 301 760 жыхароў (2013 год)^[1].

Утворана 1 студзеня 1999 года ў выніку адміністрацыйнай рэформы.

Размешчана на Мазавецкай нізіне, у межах якой вылучаецца Варшаўская катлавіна. Рэльеф нізінны з участкамі марэнных раўнін і шырокімі далінамі. Карысныя выкапні: будаўнічыя матэрыялы (гліны, пяскі, жвір, мел).

Клімат умерана-кантынентальны. Сярэднія тэмпературы студзеня — ад -4°C да -2.5°C, ліпеня — 18.5°C, ападкаў 470—600 мм за год.

Галоўныя рэкі: Вісла, Буг, Нараў, возера Зягжынскае. Глебы пераважна падзолістыя, балотныя, бурыя. Лясы займаюць 21% тэрыторыі.

Гаспадарка прамыслова-аграрнага тыпу. Развіты машынабудаванне і металаапрацоўка (аўтамабіле- і трактарабудаванне, электратэхнічная, электронная прамысловасць), нафтахімічная і хімічная, харчовая, лёгкая прамысловасць.

• Міхал Клеафас Агінскі (1765, Гузаў — 1833) — кампазітар.

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9).