Ларыса Лявонцьеўна Кароткая
Дата нараджэння	17 сакавіка 1919(1919-03-17)
Месца нараджэння	Астрашыцкі Гарадок, Менскі павет, Менская губерня, БССР, Літоўска-Беларуская Савецкая Сацыялістычная Рэспубліка
Дата смерці	2012
Месца смерці	Мінск, Беларусь
Грамадзянства	СССР  Беларусь
Дзеці	Варлен Леанідавіч Бечык
Род дзейнасці	вучоная, педагог, дацэнт
Навуковая сфера	літаратуразнаўства
Месца працы	Талькаўская базавая школа філалагічны факультэт БДУ
Навуковая ступень	кандыдат філалагічных навук (1963)
Альма-матар	філалагічны факультэт БДУ (1957) Мінскі дзяржаўны педагагічны інстытут імя Максіма Горкага (1938)
Узнагароды

Ларыса Лявонцьеўна Кароткая (нар. 17 сакавіка 1919, в. Астрашыцкі Гарадок Мінскага раёна — 2012, Мінск^[1]) — беларускі літаратуразнавец, педагог, кандыдат філалагічных навук, дацэнт. Маці Варлена Бечыка.

Бацька — Лявонцій Кандратавіч працаваў фельчарам, а маці — медсястрой. Пасля заканчэння Мінскага педінстытута (1938) і да Другой сусветнай вайны выкладала рускую і беларускую мовы ў Астрашыцкім Гарадку. У час вайны ўдзельніца антыфашысцкага падполля ў акупаваным Астрашыцкім Гарадку, партызанка брыгады «Штурмавая». Пасля вайны працавала выкладчыцай і завучам у сярэдніх класах школах Астрашыцкага Гарадка (1938—1941 і з 1944), Талькаўскай і Прылуцкай школах Мінскай вобласці.

У 1955—1957 гадах аспірантка філалагічнага факультэта БДУ. У 1963 г. абараніла кандыдацкую дысертацыю «Антыцаркоўная традыцыя ў старажытнарускай літаратуры». Пасля заканчэня працавала выкладчыкам у БДУ (1936 — рабочы факультэт, выкладчык, 1960—1995 — філалагічны факультэт, дацэнт кафедры тэорыі і гісторыі літаратуры, кафедры гісторыі беларускай літаратуры).

Аўтар 9 манаграфій і больш як 100 навуковых артыкулаў. Сферай яе навуковых інтарэсаў была старажытная беларуская і руская літаратура. Першыя артыкулы прысвечаны праблемам школы «Любіце працу» (1946 г.), «За родную школу» (1947 г.), «Абмен вопытам работы» (1948 г.).

Выступала з артыкуламі пра сучасную беларускую літаратуру.

Узнагароджана ордэнам Вялікай Айчыннай вайны І ступені, медалямі «За адвагу», «За перамогу над Германіяй у Вялікай Айчыннай вайне 1941—1945 гг.», «Партызану Вялікай Айчыннай вайны І ступені». Заслужаны работнік БДУ (2011)^[2].

• Каро́ткая Ларыса Лявонцьеўна // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 90. — 10 000 экз. — ISBN 985-11-0035-8. — ISBN 985-11-0144-3 (т. 8).

• Ларыса Кароткая Архівавана 14 красавіка 2021.
• ПРА ЛАРЫСУ ЛЯВОНЦЬЕЎНУ КАРОТКУЮ