Густаў Кірхгоф
ням.: Gustavo Robert Kirchhoff
Дата нараджэння	12 сакавіка 1824(1824-03-12)[1][2][…]
Месца нараджэння	Кёнігсберг[d], Усходняя Прусія, Каралеўства Прусія[1][3]
Дата смерці	17 кастрычніка 1887(1887-10-17)[1][2][…] (63 гады)
Месца смерці	Берлін, Германія[1][3]
Месца пахавання	Старыя могілкі Святога Мацея[d][4]
Грамадзянства	Каралеўства Прусія
Жонка	Clara Richelot[d] і Luise Brömmel[d]
Род дзейнасці	фізік, хімік, інжынер, матэматык
Навуковая сфера	фізіка і механіка
Месца працы	HU Berlin Уроцлаўскі ўніверсітэт Гайдэльбергскі ўніверсітэт
Альма-матар	Кёнігсбергскі ўніверсітэт (1846)[1]
Навуковы кіраўнік	Франц Эрнст Нейман[d] і Otto Hesse[d]
Вядомыя вучні	Эрнст Шродэр
Вядомы як	адкрыў правілы Кірхгофа, закон выпрамянення Кірхгофа; распрацаваў метад спектральнага аналізу
Член у	Лонданскае каралеўскае таварыства Венгерская акадэмія навук Нідэрландская каралеўская акадэмія навук Амерыканская акадэмія мастацтваў і навук Пецярбургская акадэмія навук Пруская акадэмія навук Гётынгенская акадэмія навук Нацыянальная акадэмія навук ЗША Эдынбургскае каралеўскае таварыства Турынская акадэмія навук[d][3]
Узнагароды	медаль Румфарда
Медыяфайлы на Вікісховішчы

Густаў Роберт Кірхгоф (ням.: Gustav Robert Kirchhoff; 12 сакавіка 1824, Кёнігсберг — 17 кастрычніка 1887, Берлін) — адзін з вялікіх фізікаў XIX стагоддзя.

Нарадзіўся 12 сакавіка 1824 года ў Кёнігсбергу; з 1842 па 1846 г. вывучаў матэматыку і фізіку ў Кёнігсбергскім універсітэце, а ў 1847 годзе ўжо выступіў у якасці прыват-дацэнта ў Берліне; ў 1850-1854 гг., у якасці экстраардынарнага прафесара, чытаў лекцыі ў Брэслаўле, затым да 1874 года выконваў пасаду ардынарнага прафесара ў Гайдэльбергу, адкуль у 1875 годзе перайшоў у Берлін.

Аўтар навуковых прац па электрычнасці, оптыцы, механіцы і матэматычнай фізіцы.

Адкрыў заканамернасці працякання электрычнага току ў разгалінаваных ланцугах (1847, правілы Кірхгофа).

Увёў паняцце абсалютна чорнага цела і адкрыў (1859) адзін з асноўных законаў цеплавога выпрамянення — закон выпрамянення Кірхгофа.

Разам з нямецкім хімікам Р. Бунзенам распрацаваў метад спектральнага аналізу (1859) і адкрыў хімічныя элементы цэзій (1860) і рубідый (1861).

Член Берлінскай (1874) і замежны член-карэспандэнт Санкт-Пецярбургскай акадэмій навук (1862).

Памёр у Берліне 17 кастрычніка 1887 года.

• Кірхгоф Густаў // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).