Гарантала
індан.: Gorontalo
Герб[d] Сцяг
Краіна	Інданезія[1]
Уваходзіць у	Інданезія[1]
Адміністрацыйны цэнтр	горад Гарантала
Дата ўтварэння	2000
Губернатар	Rusli Habibie[d]
Афіцыйныя мовы	інданезійская мова
Насельніцтва	1 134 498 (2 014)
Нацыянальны склад	гарантала (90 %)
Канфесійны склад	Іслам (97,81%)
Плошча	11 257 км²
Вышыня над узроўнем мора	43 м
Часавы пояс	UTC+8
Код ISO 3166-2	ID-GO
Паштовыя індэксы	96111 - 96574
Код аўтам. нумароў	DM
Афіцыйны сайт
Дэвіз	Aadati hula-hula to Sara', Sara' hula-hula to Kuru'ani (Закон вызначаны чалавекам, чалавек вызначаны ў Каране)
Медыяфайлы на Вікісховішчы

Гаранта́ла (індан.: Gorontalo) — правінцыя на поўначы вострава Сулавесі ў Інданезіі. Плошча - 11257 км². Насельніцтва (2014 г.) - 1 134 498 чал. Адміністрацыйны цэнтр — горад Гарантала.

Правінцыя Гарантала месціцца на аднайменным паўвостраве на поўначы вострава Сулавесі. На ўсходзе яна мяжуе з правінцыяй Паўночны Сулавесі, на захадзе — з правінцыяй Цэнтральны Сулавесі, на поўначы — з морам Сулавесі, на поўдні — з залівам Таміні. Рэльеф горны або пагорысты. На схілах захаваліся першародныя лясы з рэдкімі відамі флоры і фаўны. На тэрыторыі правінцыі шмат рэк і некалькі азёр. Самая доўгая рака правінцыі — Пагуяман (99,3 км).

Клімат субэкватарыяльны мусонны. Сярэдняя гадавая тэмпература залежыць ад вышыні мясцовасці. На паўднёвым узбярэжжы яна трымаецца на ўзроўні каля +28 °C. Найбольш дажджлівыя месяцы — люты і сакавік.

У пісьмовых крыніцах тэрыторыя правінцыі вядома з XVI ст., аднак згодна легендарным паданням першая дзяржава ўзнікла ў X - XI стст. Да прыходу партугальцаў у 1525 г. Гарантала з'яўляўся адным з галоўных цэнтрам ісламізацыі на Сулавесі. Да канца XIX ст. мясцовыя дзяржаўныя ўтварэнні трапілі ў залежнасць ад Нідэрландаў. У 1950 г. увайшлі ў склад незалежнай Інданезіі. Асобная правінцыя Гарантала была сфарміравана ў 2001 г.

Асноўныя галіны эканомікі правінцыі Гарантала — сельская гаспадарка і рыбалоўства. У сельскай мясцовасці вырошчваюць пераважна збожжавыя культуры — рыс і кукурузу. Таварны характар мае вырошчванне садавіны і гародніны. У 2011 г. на тэрыторыі правінцыі працавала ўсяго 22 прамысловых прадпрыемствы, якія забяспечвалі працу для 7828 чал.

• Pemerintah Provinsi Gorontalo Архівавана 24 лютага 2011.
• Indonesia's Official Tourism Website Gorontalo
• Tribun Gorontalo - Berita Terkini Gorontalo

1. ↑ ^{а б} Indonesian Minister of Home Affairs Decree 100.1.1-6117 Of 2022 — С. 3291.
   <a href="https://wikidata.org/wiki/Track:Q118697978"></a>