Віталь Юр’евіч Уткін

Віталь Юр’евіч Уткін
дэпутат Палаты прадстаўнікоў Нацыянальнага сходу Рэспублікі Беларусь[d]
2019 — 2024
Кіраўнік адміністрацыі Чыгуначнага раёна Гомеля[d]
2014 — 2019
Пераемнік Аляксандр Іванавіч Сівакоў[d]
дэпутат Палаты прадстаўнікоў Нацыянальнага сходу Рэспублікі Беларусь[d]
з 2024
Нараджэнне 20 чэрвеня 1965(1965-06-20) (59 гадоў)
Адукацыя
Месца працы
Узнагароды
У Вікіпедыі ёсць артыкулы пра іншых людзей з прозвішчам Уткін.

Віталь Юр’евіч Уткін (нар. 20 чэрвеня 1965, Гомель) — дэпутат Палаты прадстаўнікоў Нацыянальнага сходу Рэспублікі Беларусь 7-га і 8-га скліканняў.

Біяграфія

Нарадзіўся 20 чэрвеня 1965 года ў горадзе Гомелі[1].

Скончыў Украінскую акадэмію ўнутраных спраў па спецыяльнасці «Правазнаўства»; Акадэмію кіравання пры Прэзідэнце Рэспублікі Беларусь па спецыяльнасці «Міжнароднае права»[1].

Працоўную дзейнасць пачаў маляром спецупраўлення № 237 будаўніча-мантажнага трэста № 27 г. Гомеля.

З 1984 года па 1986 год праходзіў тэрміновую службу ва ўнутраных войсках Міністэрства ўнутраных спраў СССР, пасля яе заканчэння прадоўжыў службу ў органах МУС СССР.

З 1993 года па 2010 год працаваў на розных пасадах у Гомельскім абласным выканаўчым камітэце. У 2010 годзе быў прызначаны кіраўніком спраў Гомельскага гарадскога выканаўчага камітэта. З 2010 года па 2014 год узначальваў галоўнае ўпраўленне ведамаснага кантролю Гомельскага аблвыканкама. З 2014 года па 2019 год быў кіраўніком адміністрацыі Чыгуначнага раёна г. Гомеля.

Дэпутат Палаты прадстаўнікоў Нацыянальнага сходу Рэспублікі Беларусь сёмага склікання. Член камісіі ў пытаннях заканадаўства. У студзені 2021 года заявіў, што перанос Чэмпіяната свету па хаккеі з шайбай з Беларусі — гэта помства за тое, што нашы «дзяды сцяг узнялі над Рэйхстагам»[2]. Параўнаў удзельнікаў пратэстаў у Беларусі з «Аль-Каідай», а Святлану Ціханоўскую — з бін Ладэнам і падрымаў т. зв. «антыэкстрэмісцкія» змены ў заканадаўства[3].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Гомельскай-Юбілейнай акругі № 31. Намеснік старшыні Пастаяннай камісіі па прамысловасці, энергетыцы, транспарце, сувязі і лічбавым развіцці.

Узнагароды

Узнагароджаны нагрудным знакам унутраных войскаў Міністэрства ўнутраных спраў СССР «За адзнаку ў службе» II ступені, нагрудным знакам унутраных войскаў Міністэрства ўнутраных спраў Рэспублікі Беларусь «За самаадданую службу» II ступені, іншымі ўзнагародамі[4].

Зноскі

  1. ↑ а б Біяграфія на сайце Палаты прадстаўнікоў Нацыянальнага сходу Рэспублікі Беларусь
  2. ↑ Депутат Уткин: «Перенос ЧМ по хоккею — это месть за то, что наши деды водрузили знамя над Рейхстагом» (руск.)(недаступная спасылка). TUT.BY (25 студзеня 2021). Архівавана з першакрыніцы 12 мая 2021. Праверана 13 мая 2021.
  3. ↑ sb.by
  4. ↑ Уткін Віталій Юр’евіч

Спасылкі