Віталь Мікалаевіч Ракавец (нар. 26 лютага 1976, г.п. Іўе, Гродзенская вобласць) — беларускі ляснічы, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Нарадзіўся 26 лютага 1976 года ў г.п. Іўе Гродзенскай вобласці^[1].

Скончыў Беларускі дзяржаўны тэхналагічны ўніверсітэт па спецыяльнасці «Лесаінжынерная справа»; Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве прамысловасці»^[1].

Працаваў майстрам лесу, памочнікам ляснічага, галоўным інжынерам, дырэктарам Іўеўскага лясгаса^[1].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Іўеўскай акругі № 54. Член Пастаяннай камісіі па экалогіі і прыродакарыстанні^[1].

Узнагароджаны ганаровымі граматамі Савета Міністраў Рэспублікі Беларусь, Міністэрства лясной гаспадаркі Рэспублікі Беларусь^[1].

Жанаты, мае сына і дачку^[1].

• Біяграфія на сайце Палаты прадстаўнікоў Нацыянальнага сходу Рэспублікі Беларусь